ஒரு மாநிலத்தில் ஆட்சி அமைக்க போதுமான எம்.எல்.ஏக்கள் இல்லையென்றால் எம்.எல்.ஏக்கள் கிடைக்கும் வரை இருக்கும் எம்.எல்.ஏக்களை ரிசார்ட்டுகளில் தங்க வைக்கும் கலாச்சாரம் சமீபகாலமாக நடந்து வருகிறது. கூவத்தூரில் எம்.எல்.ஏ அடைத்து வைத்து இந்த கலாச்சாரத்தை ஆரம்பித்து வைத்த பெருமை அதிமுகவுக்கே சாரும்

இந்த நிலையில் கர்நாடக மாநில தேர்தல் முடிவுகளின்படி எந்த கட்சிக்கும் ஆட்சி அமைக்க மெஜாரிட்டி கிடைக்கவில்லை. காங்கிரஸ் மற்றும் மதச்சார்பற்ற ஜனதாதளம் கூட்டணி அமைத்து ஆட்சி அமைக்கும் என செய்திகள் வெளிவந்து கொண்டிருந்தாலும், 104 இடங்களை கைப்பற்றிய பாஜக அவ்வளவு எளிதில் ஆட்சியை விட்டுக்கொடுக்காது. எனவே எம்.எல்.ஏக்களிடம் குதிரை பேரம் நடக்க வாய்ப்பு இருப்பதாக கூறப்படுகிறது.

இந்த நிலையில் எங்கள் ஊர் ரிசார்ட்டுக்கு வாருங்கள் என கர்நாடக மாநில எம்.எல்.ஏக்களுக்கு கேரள சுற்றுலாத்துறை டுவிட்டரின் மூலம் அழைப்பு விடுத்துள்ளது. இத்தனை நாளும் தேர்தல் டென்ஷனில் இருந்த எம்.எல்.ஏக்கள் எங்கள் ஊர் ரிசார்ட்டுக்களில் தங்கி இயற்கை அழகை ரசியுங்கள் என்று கேரள சுற்றுலாத்துறை கேட்டுக்கொண்டுள்ளது.