கேரளாவில் திடீர் திருப்பம். குஷியில் விஜய் ரசிகர்கள்
- IndiaGlitz, [Wednesday,January 11 2017]
கேரளாவில் கடந்த சிலநாட்களாக திரையரங்கு உரிமையாளர்கள் எக்ஸிபிட்டர்ஸ் ஃபடரேஷன் (The Kerala Film Exhibitors' Federation) நடத்தி வரும் போராட்டம் காரணமாக புதிய திரைப்படங்கள் வெளியாகவில்லை. நேற்று நடைபெற்ற பேச்சுவார்த்தை தோல்வி அடைந்ததால் விஜய்யின் 'பைரவா' உள்பட புதிய திரைப்படங்கள் கேரளாவில் ரிலீஸ் ஆவதில் சிக்கல் எழுந்துள்ளது.
இந்நிலையில் இந்த போராட்டத்தில் உடன்பாடு இல்லாத சங்கத்தின் உறுப்பினர்கள் சிலர், புதிய சங்கம் ஒன்றை உருவாக்கி, நாளை 'பைரவா' படத்தை வெளியிட முன்வந்துள்ளதாக செய்திகள் வெளிவந்துள்ளது. இதுகுறித்து தயாரிப்பாளர்கள் மற்றும் விநியோகிஸ்தர்கள் தரப்பினர் கூறும்போது, திரையரங்கு சங்கத்தில் பிளவு ஏற்பட்டுள்ளது உண்மை என்றும், நாளை அதிகளவிலான திரையரங்குகளில் 'பைரவா' வெளிவருவதில் இருந்து இது உறுதி செய்யப்படும் என்றும் தெரிவித்துள்ளனர்.
ஆனால் சங்கத்தில் எந்த பிளவும் எற்படவில்லை என்றும் போராட்டம் தொடரும் என்றும் ஃபடரேஷன் தலைவர் “லிபர்ட்டி” பஷீர் கூறியுள்ளார். இவற்றில் எது உண்மை என்று நாளை வரை பொறுத்திருந்து பார்ப்போம். 'பைரவா' திரைப்படம் அதிகளவிலான திரையரங்குகளில் வெளிவர வாய்ப்பு இருப்பதாக வெளிவந்துள்ள திடீர் திருப்பங்களுடன் கூடிய செய்தி கேரள விஜய் ரசிகர்களை குஷிப்படுத்தியுள்ளது.