கமல்ஹாசனுக்கு நன்றி தெரிவித்த கேரள காவல்துறை
- IndiaGlitz, [Monday,April 13 2020]
உலக நாயகன் நடிகர் மற்றும் மக்கள் நீதி மய்யம் கட்சியின் தலைவரான கமலஹாசன் தன்னுடைய சமூக வலைப்பக்கத்தில் அவ்வப்போது கொரோனாவுக்கு எதிராக மத்திய, மாநில அரசுகள் எடுக்க வேண்டிய நடவடிக்கைகள், எடுத்துக் கொண்டிருக்கும் நடவடிக்கைகளில் உள்ள குறைகள் மற்றும் நிறைகள் ஆகியவற்றை அவ்வப்போது தனது சமூக வலைத்தளத்தில் தெரிவித்து வருகிறார் என்பது தெரிந்ததே. மேலும் சமீபத்தில் கமல்ஹாசன், பிரதமர் மோடிக்கு எழுதிய கடிதம் பெரும் பரபரப்பை ஏற்படுத்தியது.
இந்நிலையில் சமீபத்தில் கேரள போலீசார் கொரோனா வைரஸ் குறித்த விழிப்புணர்வை பொதுமக்களுக்கு ஏற்படுத்துவதற்காக ஒரு வீடியோவை வெளியிட்டனர். கேரள போலீசார் பாடி, ஆடியவாறு இருந்த இந்த வீடியோ கேரளா மக்கள் மத்தியில் மிகப்பெரிய வரவேற்பை பெற்றதுடன், கொரோனா குறித்த விழிப்புணர்வையும் ஏற்படுத்தியது
இந்த வீடியோ குறித்து நடிகர் கமலஹாசன் கேரள காவல் துறைக்கு பாராட்டு தெரிவித்திருந்தார். கொரோனா வைரசால் பொது மக்கள் சந்திக்கும் இந்த இக்கட்டான சூழ்நிலையில் அறிவுபூர்வமாக செயல்பட்டு மக்களுக்கு விழிப்புணர்வு ஏற்படுத்திய கேரள காவல் துறைக்கு பாராட்டுக்கள் என கமலஹாசன் தனது சமூக வலைத்தளம் மூலம் பாராட்டு தெரிவித்து இருந்தார்
கமல்ஹாசனின் பாராட்டுக்கு நன்றி தெரிவித்து கேரள காவல்துறை தற்போது கடிதம் ஒன்றை கமல்ஹாசனுக்கு எழுதியுள்ளது. உலகின் மிகப்பெரிய நடிகர்களில் ஒருவரான கமலஹாசன் கேரள காவல்துறை பாராட்டியுள்ளது காவல்துறையினரை ஊக்கப்படுத்தும் வகையில் உள்ளது என்றும் இதனை அடுத்து தங்கள் துறையின் சார்பாக கமல்ஹாசனுக்கு நன்றியை தெரிவித்துக் கொள்வதாகவும் அந்த கடிதத்தில் குறிப்பிடப்பட்டிருந்தது.