மோசமான பெண்கள் வாய்ப்புக்காக இதையும் செய்வார்கள்: பிரபல நடிகர் சர்ச்சை பேச்சு
- IndiaGlitz, [Thursday,July 06 2017]
பிரபல மலையாள நடிகர், எம்பி மற்றும் மலையாள நடிகர் சங்கமான 'அம்மா' அமைப்பின் தலைவராக இருந்து வரும் இன்னொசெண்ட், மோசமான பெண்கள் மட்டுமே நடிக்க வாய்ப்பு கேட்டு படுக்கை வரை செல்வதாகவும், மலையாள திரையுலகை பொருத்தவரையில் நடிகைகளை படுக்கைக்கு அழைக்கும் பழக்கம் யாரிடமும் இல்லை என்றும் பேட்டி ஒன்றில் கூறியுள்ளார்.
நடிகைகளை படுக்கைக்கு அழைத்ததாக எந்த புகாரும் நடிகர் சங்கத்திற்கு இதுவரை வரவில்லை என்று கூறிய இன்னோசெண்ட், மோசமான பெண்கள் மட்டுமே வாய்ப்புக்காக படுக்கைக்கு போவார்கள் என்றும் அவர் தெரிவித்தார்.
நடிகர் இன்னோசெட் கூறிய இந்த கருத்து மலையாள திரையுலகை அதிர்ச்சி அடைய செய்துள்ளது. நடிகைகள் குறித்து தரக்குறைவாக பேசிய அவருக்கு பிரபல நடிகைகள் சமூக வலைத்தளங்களில் கண்டனம் தெரிவித்து வருகின்றனர்.