மோடியை பதவியில் இருந்து இறக்க அரை மொட்டை மனிதர் செய்த சபதம்
- IndiaGlitz, [Tuesday,November 29 2016]
பாரத பிரதமர் நரேந்திர மோடியின் ரூபாய் நோட்டுக்கள் செல்லாது என்ற அறிவிப்புக்கு பின்னர் இந்தியாவில் பல்வேறு விநோத சம்பவங்களும், சோக சம்பவங்களும் நடந்து வருகின்றன. பிரதமரின் முடிவை பெரும்பாலானோர் ஆதரித்தாலும் எதிர்ப்பு தெரிவிப்பவர்களின் அணுகுமுறைகள் வித்தியாசமாக உள்ளதை அவ்வப்போது வெளிவரும் செய்திகள் மூலம் பார்த்து வருகிறோம்
இந்நிலையில் கேரளாவை சேர்ந்த ரூபாய் நோட்டுக்கள் விவகாரத்தால் பாதிக்கப்பட்ட ஒருவர் தன்னுடைய தலைமுடியின் ஒரு பகுதியை மட்டும் ஷேவ் செய்து எடுத்து அரை மொட்டை மனிதராக காட்சி அளிக்கின்றார்.
சாமானிய மக்களை வாட்டி வதைக்கும் அறிவிப்பை வெளியிட்ட மோடி பதவி இறங்கிய பின்னர்தான் முழு தலையிலும் முடியை வளர்ப்பேன் என்று அவர் சபதம் செய்துள்ளார். துரியோதன் சாகும் வரை தன்னுடைய தலைமுடியை முடிய மாட்டேன் என்று திரெளபதி செய்த சபதத்திற்கு இணையானது இவருடைய வித்தியாசமான சபதம் என்று சமூக வலைத்தளங்களில் பலர் கருத்துக்களை தெரிவித்து வருகின்றனர்.