കെനിയ പ്രസിഡന്റ് തെരഞ്ഞെടുപ്പ്; ഉഹുരു കെനിയാറ്റ വിജയി
- IndiaGlitz, [Wednesday,August 16 2017]
കെനിയ പ്രസിഡന്റ് തെരഞ്ഞെടുപ്പില്‍ ഉഹുരു കെനിയാറ്റയെ വിജയിയായി പ്രഖ്യാപിച്ചു. വോട്ടെടുപ്പില്‍ ക്രമക്കേട് നടത്തിയെന്ന പ്രതിപക്ഷ ആരോപണം മറികടന്നാണ് പ്രഖ്യാപനം.
വോട്ടിങിന്റെ 54.27 ശതമാനം വോട്ടുകള്‍ നേടിയാണ് ഉഹുരു അധികാരത്തിലേറിയത്. എതിര്‍സ്ഥാനാര്‍ഥി റായില ഒഡിങ്കയ്ക്ക് 44.74 ശതമാനം വോട്ടുകളാണ് ലഭിച്ചത്.
ഒന്നാംഘട്ടത്തില്‍ തന്നെ 50 ശതമാനത്തിനു മുകളില്‍ വോട്ടുലഭിച്ചതിനാല്‍ ഉഹുരുവിന് രണ്ടാംഘട്ട തെരഞ്ഞെടുപ്പിനെ നേരിടേണ്ടി വരില്ല.
ഒന്നരക്കോടി ജനങ്ങളാണ് കെനിയന്‍ തെരഞ്ഞെടുപ്പില്‍ വോട്ടു രേഖപ്പെടുത്തിയത്. 78 ശതമാനമായിരുന്നു പോളിങ്.