முதலமைச்சர் கோப்பையை கைப்பற்றிய சுசீந்திரன் பட நடிகைகள்
- IndiaGlitz, [Tuesday,February 26 2019]
பிரபல இயக்குனர் சுசீந்திரன் தற்போது 'கென்னடி கிளப்' என்ற படத்தை இயக்கி வருகிறார். இந்த படம் பெண்கள் கிரிக்கெட்டை மையமாக வைத்து உருவாக்கப்பட்டு வருகிறது
இந்த படத்தில் உள்ள 'கென்னடி கிளப்' என்ற கபடி டீமில் ஏழு நிஜ கபடி வீராங்கனைகள் நடித்து வருகின்றனர். இவர்கள் படப்பிடிப்பில் கலந்து கொண்டு நடித்து வருவதோடு, முதலமைச்சர் கோப்பைக்கான போட்டியிலும் விளையாடி வருகின்றனர். இவர்களது வெண்ணிலா கபடி குழு இந்த ஆண்டுக்கான முதலமைச்சர் கோப்பை போட்டியில் இறுதி போட்டிக்கு தகுதி பெற்றிருந்தது
சமீபத்தில் திருச்செங்கோட்டில் நடைபெற்ற இறுதிப் போட்டியில் தமிழ்நாடு முதலமைச்சர் கோப்பையை ‘கென்னடி கிளப்’ படத்தில் நடித்துவரும் வீராங்கனைகளின் வெண்ணிலா கபடி குழு சாம்பியன் பட்டம் பெற்றதோடு, ரூ.12 லட்சத்திற்கான பரிசுத்தொகையையும் வென்றது.
இந்த வெற்றி இந்த வீராங்கனைகளை மட்டுமின்றி 'கென்னடி கிளப் படக்குழுவினர்களையும் மகிழ்ச்சியில் ஆழ்த்தியது.
சுசீந்திரன் இயக்கி வரும் இந்த படத்தில் இயக்குனர் பாரதிராஜா, சசிகுமார் ஆகியோர் முக்கிய கதாபாத்திரத்தில் நடிக்கின்றனர். டி.இமான் இசையில் ஆர்.பி.குருதேவ் ஒளிப்பதிவில் இந்த படம் உருவாகி வருகிறது.