எந்த நட்சத்திரத்தைப் போல் கணவர் அமைய வேண்டும்?- கீர்த்தி சுரேஷ் பதில்
- IndiaGlitz, [Friday,December 28 2018]
நடிகை கீர்த்தி சுரேஷ் கோலிவுட் திரையுலகின் முன்னணி நடிகைகளில் ஒருவராக இருந்து வருவது தெரிந்ததே. குறிப்பாக அவர் விஜய்யுடன் 'பைரவா' மற்றும் 'சர்கார்' ஆகிய இரண்டு படங்களில் நடித்த பின்னர் அவருடைய மார்க்கெட் உயர்ந்துள்ளதாகவும் கூறப்படுகிறது.
இந்த நிலையில் தனியார் தொலைக்காட்சி ஒன்று நடத்தும் புத்தாண்டு சிறப்பு நிகழ்ச்சியில் கீர்த்தி சுரேஷ் கலந்து கொண்டார். இவருடன் பழம்பெரும் நடிகை சரோஜாதேவியும் இந்த நிகழ்ச்சியில் கலந்து கொண்டார்.
சமீபத்தில் வெளியான இந்த நிகழ்ச்சியின் புரமோவில் கீர்த்தி சுரேஷ் தனது வருங்கால கணவர் யார் போல் இருக்க வேண்டும் என்று ஒரு எட்டு நடிகர்களின் படங்கள் காட்டப்பட்டது. அதில் அஜித், விஜய், சூர்யா, விக்ரம், தனுஷ், சிவகார்த்திகேயன், விஜய்சேதுபதி உள்பட அந்த லிஸ்ட்டில் 8 பேர்களின் புகைப்படங்கள் இருந்தது. இதில் தன்னுடைய வருங்கால கணவர் தளபதி விஜய் மற்றும் விக்ரம் போல் இருக்க வேண்டும் என்று கீர்த்திசுரேஷ் பதிலளித்தார். இந்த நிகழ்ச்சி வரும் புத்தாண்டு அன்று ஒளிபரப்பாகவுள்ளது.