விஜய், சூர்யாவை அடுத்து இன்னொரு பிரபல நடிகருக்கு ஜோடியாகும் கீர்த்தி சுரேஷ்
- IndiaGlitz, [Wednesday,May 03 2017]
கோலிவுட் திரையுலகில் மிகக்குறுகிய காலத்தில் நம்பர் ஒன் இடத்தை நோக்கி மிக வேகமாக நெருங்கி வரும் நடிகை கீர்த்தி சுரேஷ். 'இது என்ன மாயம்' படத்தில் அறிமுகமான கீர்த்தி சுரேஷ், சிவகார்த்திகேயனுடன் நடித்த 'ரஜினி முருகன்' மற்றும் 'ரெமோ' ஆகிய இரண்டு சூப்பர் ஹிட் படங்களால் ராசியான நடிகை என்ற முத்திரை குத்தப்பட்டார்.
இதனால் அவருக்கு இளையதளபதி விஜய்யுடன் 'பைரவா' படத்திலும் சூர்யாவுடன் 'தானா சேர்ந்த கூட்டம்' படத்திலும் நடிக்க வாய்ப்பு கிடைத்தது. அதுமட்டுமின்றி தெலுங்கில் அவர் பவர்கல்யாண் உடன் ஒரு படம் மற்றும் நடிகையர் திலகம் சாவித்ரியின் வாழ்க்கை வரலாற்று படம் ஆகிய படங்களிலும் ஒப்பந்தமாகி தென்னிந்திய நடிகையாக உருவாகி வருகிறார்.
இந்த நிலையில் பிரபல இயக்குனர் ஹரி இயக்கத்தில் சீயான் விக்ரம் நடிக்கவுள்ள 'சாமி 2' படத்தில் முக்கிய வேடத்தில் நடிக்க ஒப்பந்தமாகியுள்ளார். இந்த படத்தில் ஏற்கனவே முதல் பாகத்தில் நடித்த த்ரிஷாவும் நடிக்கவுள்ளார் என்பது குறிப்பிடத்தக்கது.