మ‌రోసారి ఆ హీరోతో కీర్తిసురేష్‌
- IndiaGlitz, [Saturday,January 19 2019]
తమిళ అగ్ర కథానాయకుడు విజయ్ తన తదుపరి చిత్రాన్ని అట్లీ దర్శకత్వంలో చేయుబోతున్న సంగతి తెలిసిందే. కల్పాతి అఘోరం నిర్మించనున్న ఈ సినిమా లాంఛనంగా ఇటీవల చెన్నైలో పూజా కార్యక్రమాలను జరుపుకుంది. తాజా సమాచారం ప్రకారం జనవరి 21 షూటింగ్ ప్రారంభం కానుంది.
ఈ చిత్రంలో న‌య‌న‌తార హీరోయిన్‌గా న‌టిస్తుంది. మ‌రో హీరోయిన్ కూడా ఇందులో న‌టిస్తున్నార‌ట. ఆ హీరోయిన్ కోసం కీర్తి సురేష్‌తో యూనిట్ సంప్ర‌దింపులు జ‌రుపుతుంది. అంతా ఓకే అయితే 'స‌ర్కార్‌' తర్వాత మ‌రోసారి విజ‌య్‌తో కీర్తి సురేష్ న‌టిస్తుంది.
'థెరి', 'మెర్సల్' (తెలుగులో అదిరింది) సినిమాల తర్వాత విజయ్, అట్లీ కాంబినేషన్‌లో రూపొందబోయే హ్యాట్రిక్ మూవీ ఇది. ఇదొక స్పోర్ట్స్ బ్యాక్‌డ్రాప్‌లో తెరకెక్కనుంది. ఇందులో విజయ్ కోచ్ పాత్రలో కనపడనున్నారట. ఈ ఏడాది దీపావళి సినిమాను విడుదల చేయుడానికి నిర్మాతలు ప్లాన్ చేస్తున్నారు.