கீர்த்திசுரேஷ் நடித்த 'நடிகையர் திலகம்' திரைப்படம் கடந்த வெள்ளியன்று வெளியாகி சூப்பர் ஹிட் ஆகியுள்ளது. இந்த படத்தில் கீர்த்திசுரேஷின் நடிப்பை பாராட்டாத திரையுலக பிரபலங்களே இல்லை என்று கூறலாம். பிரமாண்ட இயக்குனர் எஸ்.எஸ்.ராஜமெளலி, ஏ.ஆர்.முருகதாஸ், கமல்ஹாசன் உள்பட பலர் நேரிலும் சமூக வலைத்தளங்களிலும் கீர்த்தி சுரேஷின் அபாரமான நடிப்புக்கு பாராட்டு தெரிவித்து வருகின்றனர்.

இந்த நிலையில் தளபதி விஜய் நடித்து வரும் 'தளபதி 62' படத்தின் அடுத்த கட்ட படப்பிடிப்பில் கீர்த்திசுரேஷ் கலந்து கொண்டிருப்பதாகவும் இந்த படப்பிடிப்பில் விஜய், கீர்த்திசுரேஷ் நடனம் ஆடும் பாடல் காட்சி படமாக்கப்படுவதாகவும், இந்த பாடலுக்கு ஸ்ரீதர் நடனப்பயிற்சி அளித்து வருவதாகவும் செய்திகள் வெளிவந்துள்ளது.

இந்த படப்பிடிப்பின்போது 'நடிகையர் திலகம்' படத்தில் சாவித்திரியாகவே வாழ்ந்த கீர்த்திசுரேஷூக்கு விஜய் பாராட்டு தெரிவித்ததாகவும் தகவல்கள் வெளிவந்துள்ளது. ஏ.ஆர்.முருகதாஸ் இயக்கி வரும் இந்த படத்திற்கு ஏ.ஆர்.ரஹ்மான் இசையமைத்து வருகிறார். இந்த படம் வரும் தீபாவளி திருநாளில் வெளியாகும் என்று எதிர்பார்க்கப்படுகிறது