சமீபத்தில் வெளியான நடிகையர் திலகம் சாவித்ரியின் வாழ்க்கை வரலாறு திரைப்படமான 'நடிகையர் திலகம்' திரைப்படம் கீர்த்திசுரேஷின் அபாரமான நடிப்பை வெளிப்படுத்தியது. கீர்த்திசுரேஷின் திரையுலக பயணத்தில் 'நடிகையர் திலகம்' போல் இன்னொரு படம் கிடைக்குமா? என்பது சந்தேகமே

ஆனால் இந்த படத்தில் அவர் நடிக்க விஜய், விஷால், மற்றும் விக்ரம் படக்குழுவினர் கொடுத்த ஒத்துழைப்பே காரணம் என்று அவர் தெரிவித்துள்ளார். 'நடிகையர் திலகம்' படத்திற்கான கால்ஷீட் தேதியை ஒதுக்கும்போது விஜய்யின் 'சர்கார்', விக்ரமின் 'சாமி 2' மற்றும் விஷாலின் 'சண்டக்கோழி 2' படக்குழுவினர்களுக்கு ஏற்கனவே கொடுத்திருந்த தேதிகளை மாற்றிக்கொள்ள சம்மதம் தெரிவித்ததாகவும், இந்த மூன்று படக்குழுவினர்களும் தனக்கு ஒத்துழைப்பு தராமல் இருந்திருந்தால் 'நடிகையர் திலகம்' படத்தில் நடிக்க தனக்கு வாய்ப்பு கிடைத்திருக்காது என்றும் எனவே விஜய், விக்ரம், விஷால் படக்குழுவினர்களுக்கு தனது நன்றி என்றும் தெரிவித்துள்ளார்.

இருப்பினும் இந்த மூன்று படங்கள் முடியும் வரை இனி வேறு படங்களில் கமிட் ஆவதில்லை என்ற முடிவை எடுத்திருப்பதாகவும் கீர்த்திசுரேஷ் உறுதிபட கூறியுள்ளார். கீர்த்திசுரேஷின் இந்த முடிவுக்கு திரையுலகினர் பாராட்டி வருகின்றனர்.