தென்னிந்திய திரையுலகின் முன்னணி நடிகைகளில் ஒருவரான கீர்த்தி சுரேஷ் தற்போது சூப்பர் ஸ்டார் ரஜினியின் ’அண்ணாத்த’ மற்றும் செல்வராகவனுடன் ’சாணிக்காகிதம்’ ஆகிய இரண்டு தமிழ்ப் படங்களில் நடித்து வருகிறார். மேலும் அவர் நான்கு தெலுங்கு படங்களிலும் இரண்டு மலையாள படங்களிலும் நடித்து வருகிறார் என்பது குறிப்பிடத்தக்கது.

இந்த நிலையில் கீர்த்தி சுரேஷ் நடித்து வரும் தெலுங்கு படங்களில் ஒன்று ‘ராங்டே’. நிதின் நாயகனாக நடிக்கும் இந்தப் படத்தில் கீர்த்தி சுரேஷ் நாயகியாக நடித்து வருகிறார் என்பதும் வெங்கி இயக்கி வரும் இந்த படத்திற்கு தேவிஸ்ரீ பிரசாத் இசையமைத்து வருகிறார் என்பதும் குறிப்பிடத்தக்கது.

சமீபத்தில் இந்த படத்தின் படப்பிடிப்பு வெளிநாட்டில் நடந்த நிலையில் தற்போது போஸ்ட் புரொடக்ஷன் பணிகள் விறுவிறுப்பாக நடைபெற்று வருகின்றன. இந்த நிலையில் இந்த படத்திற்காக தேவிஸ்ரீ பிரசாத் இசையில் உருவான ஒரு பாடலை தேவிஸ்ரீ பிரசாத்துடன் இணைந்து கீர்த்தி சுரேஷ் பாடியுள்ளார். இந்தப் பாடல் ஒலிப்பதிவு செய்யும் போது எடுக்கப்பட்ட வீடியோவை இந்த படத்தின் ஒளிப்பதிவாளர் பிசி ஸ்ரீராம் அவர்கள் தனது சமூக வலைத்தளத்தில் பதிவு செய்துள்ளார். தேவிஸ்ரீ பிரசாத்துடன் இணைந்து கீர்த்தி சுரேஷ் பாடும் இந்த வீடியோ தற்போது வைரல் ஆகி வருகிறது
 

#RangDe
Another video of Keerthi jamming at Devi’s studio .@dirvenky_atluri @ThisIsDSP @actor_nithiin @SitharaEnts @KeerthyOfficial pic.twitter.com/5lRwLDOWqn

— pcsreeramISC (@pcsreeram) February 4, 2021