വിക്രമും കീർത്തിയും ആദ്യമായി ഒന്നിക്കുന്നു
- IndiaGlitz, [Saturday,August 12 2017]
സംവിധായകൻ ഹരിയും ചിയാൻ വിക്രമും ഒന്നിച്ചപ്പോൾ 2003ൽ പുറത്തിറങ്ങിയ സൂപ്പർഹിറ്റ് ചിത്രമാണ് സാമി. സാമി എന്ന പൊലീസ് കഥാപാത്രം തമിഴ് നാട്ടിൽ വൻ തരംഗമായിരുന്നു സൃഷ്‌ടിച്ചത്. വീണ്ടും ആ കഥാപാത്രത്തെ കൊണ്ടുവന്ന് ഒരു മെഗാഹിറ്റ് ഒരുക്കാൻ ഒരുങ്ങുകയാണ് ഹരിയും വിക്രമും.
മലയാളിയായ കീർത്തി സുരേഷ് നായികയാകുന്ന ചിത്രത്തിന്റെ ഷൂട്ടിംഗ് അടുത്ത മാസം ആരംഭിക്കും. ചിത്രത്തിൽ വില്ലനായി എത്തുന്നത് ബോബി സിൻഹയാണ്.വിക്രവും ബോബി സിൻഹയും തമ്മിലുള്ള രംഗങ്ങൾ തന്നെയാണ് ചിത്രത്തിന്റെ ഹൈലൈറ്റ്. ധ്രുവ നക്ഷത്രം, സ്കെച്ച്‌ എന്നീ ചിത്രങ്ങൾ പൂർത്തിയാക്കിയ ശേഷമായിരിക്കും വിക്രം സാമി -2ൽ ജോയിൻ ചെയ്യുക.
സാമിയിലെ പ്രധാന ആകർഷണം വില്ലനായ പെരുമാൾ പിച്ചൈയായിരുന്നു. കൊട്ട ശ്രീനിവാസ റാവു ആണ് പെരുമാൾ പിച്ചൈയെ അവിസ്‌മരണീയമാക്കിയത്. പ്രഭു, ഡൽഹി ഗണേഷ്, ജോൺ വിജയ് എന്നിവർ അണിനിരക്കുന്ന ചിത്രത്തിലെ സംഘട്ടന രംഗങ്ങൾ ഒരുക്കുന്നത് കനൽ കണ്ണനാണ്. ഹാരിസ് ജയരാജിന്റേതാണ് സംഗീതം.