தளபதி விஜய் நடிக்கவுள்ள 'தளபதி 62' திரைப்படத்தின் போட்டோசெஷன் இன்று ஏவிஎம் ஸ்டுடியோவில் நடைபெற்ற நிலையில் இந்த படத்தின் படப்பிடிப்பு இம்மாதம் மூன்றாம் வாரத்தில் தொடங்கவுள்ளதாக அறிவிக்கப்பட்டுள்ளது.

இந்த நிலையில் இந்த படத்தில் விஜய்க்கு ஜோடியாக நடிக்கும் நடிகை உள்பட மற்ற நட்சத்திரங்கள் குறித்த தேர்வு கடந்த சில வாரங்களாக நடைபெற்றது. இந்த நிலையில் 'தளபதி 62' படத்தில் விஜய்க்கு ஜோடியாக நடிக்க கீர்த்திசுரேஷ் ஒப்பந்தமாகியுள்ளதாக செய்திகள் வெளிவந்துள்ளது.

ஏற்கனவே கடந்த ஆண்டு பொங்கல் தினத்தில் வெளியான 'பைரவா' படத்தில் விஜய்க்கு ஜோடியாக நடித்த கீர்த்திசுரேஷ் மீண்டும் விஜய்க்கு ஜோடியாக ஒப்பந்தமாகியுள்ளார் என்பது குறிப்பிடத்தக்கது. இந்த தகவல் இந்த படத்தின் தயாரிப்பு நிறுவனமான சன் பிக்சர்ஸ் நிறுவனத்தின் சமூக வலைத்தள பக்கத்தில் பதிவு செய்யப்பட்டுள்ளது. அதில், 'தளபதி 62 படத்தின் இசையமைப்பாளராக ஏ.ஆர்.ரஹ்மான், நாயகியாக கீர்த்தி சுரேஷ், ஒளிப்பதிவாளராக க்ரிஷ் கங்காதரன் மற்றும் எடிட்டராக ஸ்ரீகர் பிரசாத் ஆகியோர் ஒப்பந்தம் செய்யப்பட்டுள்ளனர்' என்று குறிப்பிடப்பட்டுள்ளது.