கீர்த்தி சுரேஷின் 'நடிகையர் திலகம்' படத்தின் அபார ஓப்பனிங் வசூல்
- IndiaGlitz, [Monday,May 14 2018]
இயக்குனர் நாக் அஸ்வின் கடின உழைப்பு மற்றும் நடிகையர் திலகம் சாவித்திரியை கண்முன் கொண்டு வந்த கீர்த்தி சுரேஷின் நடிப்பு ஆகியவற்றால் கடந்த வெள்ளியன்று வெளியான 'நடிகையர் திலகம்' படத்திற்கு நல்ல வரவேற்பு கிடைத்துள்ளது.
ஊடகங்களும், சமூக வலைத்தள பயனாளிகளும் கொண்டாடி வரும் இந்த படம் சென்னையில் 18 திரையரங்க வளாகங்களில் 143 காட்சிகள் திரையிடப்பட்டு ரூ.53,64,382 ஓப்பனிங் வசூலாக வசூல் செய்துள்ளது. மேலும் நாயகிக்கு முக்கியத்துவம் கொடுக்கப்பட்ட இந்த படத்திற்கு 85% பார்வையாளர்கள் திரையரங்குகளில் இருந்தது ஆச்சரியமாக பார்க்கப்படுகிறது.
தமிழ், தெலுங்கு இரண்டிலும் நல்ல வரவேற்பை பெற்றுள்ள இந்த படம் வெற்றிப்பட பட்டியலில் இணைந்துவிட்டது சாவித்திரியை இன்னும் இருமாநில மக்களும் மறக்கவில்லை என்பதையே காட்டுகிறது.