കീർത്തി സുരേഷ് വീണ്ടും പ്രതിഫലം കൂട്ടി
- IndiaGlitz, [Wednesday,July 19 2023]
മലയാളത്തിലും മറ്റു ഭാഷകളിലും ഒരു പോലെ തിളങ്ങി നിൽക്കുന്ന നടി കീർത്തി സുരേഷ് താരമൂല്യം ഉയര്‍ന്നിരിക്കെ തൻ്റെ പ്രതിഫലം കൂട്ടിയെന്ന് തമിഴ് മാധ്യമങ്ങൾ റിപ്പോര്‍ട്ടു ചെയ്തു. തെന്നിന്ത്യൻ സിനിമകളില്‍ കീര്‍ത്തി സുരേഷിൻ്റെ കരിയര്‍ ഗ്രാഫ് കുത്തനെ ഉയര്‍ന്നിരിക്കുകയാണ്. രണ്ട് കോടി പ്രതിഫലം വാങ്ങുന്ന നടി പ്രതിഫലം ഇരട്ടിപ്പിച്ചതായാണ് പുറത്തു വരുന്ന റിപ്പോർട്ട്.
കീർത്തി അഭിനയിച്ച ‘മാമന്നൻ’ തീയറ്ററുകളിൽ ഗംഭീര റെക്കോർഡ് കളക്ഷനുമായി മുൻപോട്ട് കുതിക്കുകയാണ്. ഇപ്പോൾ സിനിമക്ക് 50 കോടിയിലധികം കളക്ഷൻ ആണ് ലഭിച്ചിരിക്കുന്നത്, നടിയുടെ ‘ദസറ’ എന്ന സിനിമയുടെ വിജയത്തിന് ശേഷമാണ് ഇപ്പോൾ മാമന്നൻ്റെ വിജയവും. ഗീതാഞ്ജലി എന്ന മലയാള സിനിമയിലൂടെ അഭിനയ രംഗത്തേക്ക് കടന്ന് വന്ന കീർത്തിക്ക് വളരെ പെട്ടെന്ന് തമിഴകത്ത് ശ്രദ്ധ നേടാനായി. മഹാനടി എന്ന തെലുങ്ക് ചിത്രത്തിലൂടെ മികച്ച നടിക്കുള്ള ദേശീയ പുരസ്കാരവും കീർത്തിക്ക് ലഭിച്ചു.