தேசிய விருதை அடுத்து 'மிஸ் இந்தியா'வை நோக்கி செல்லும் கீர்த்தி சுரேஷ்
- IndiaGlitz, [Monday,August 26 2019]
நடிகை கீர்த்தி சுரேஷ் நடித்த 'நடிகையர் திலகம் திரைப்படம்' அவருக்கு தேசிய விருதைப் பெற்றுக் கொடுத்த நிலையில் தற்போது அவர் போனி கபூர் தயாரிப்பில் ஒரு பாலிவுட் படத்தில் நடித்து வருகிறார். இந்த படத்தின் படப்பிடிப்பு விறுவிறுப்பாக நடைபெற்று வரும் நிலையில் அவர் நடிக்க உள்ள இன்னொரு படத்தின் டைட்டில் சற்றுமுன் வெளியாகியுள்ளது. இந்த படத்தின் டைட்டில் 'மிஸ் இந்தியா' என்பதாகும். இந்த படம் கீர்த்தி சுரேஷின் 20 வது படம் என்பது குறிப்பிடத்தக்கது
ஈஸ்ட் கோஸ்ட் புரடொக்சன்ஸ் நிறுவனம் தயாரிக்கும் இந்த படத்தை நரேந்திர நாத் இயக்கி வருகிறார். இந்த படத்திற்கு தமன் இசையமைக்கின்றார். கீர்த்திசுரேஷ் முக்கிய வேடத்தில் நடிக்கும் இந்த படத்தில் ஜெகபதி பாபு, நவீன் சந்திரா, ராஜேந்திர பிரசாத், நரேஷ் உள்ளிட்ட பலர் நடித்து வருகின்றனர். டேனி ஒளிப்பதிவில் இந்த படம் விரைவில் வெளியாகவுள்ளது. 'மிஸ் இந்தியா' படத்தின் டைட்டில் டீசர் தற்போது சமூக வலைத்தளத்தில் வைரலாகி வருகிறது என்பது குறிப்பிடத்தக்கது