இந்த போஸில் கீர்த்தி சுரேஷை யாராவது பார்த்ததுண்டா? 5 மணி நேரத்தில் 7 லட்சம் லைக்ஸ்!
- IndiaGlitz, [Saturday,May 22 2021]
தமிழ் தெலுங்கு திரையுலகின் முன்னணி நடிகைகளில் ஒருவரான கீர்த்தி சுரேஷ் தற்போது சூப்பர் ஸ்டார் ரஜினிகாந்த் நடித்து வரும் ’அண்ணாத்த’ செல்வராகவன் நடித்து வரும் ’சாணிக்காகிதம்’ உள்ளிட்ட தமிழ் படங்களிலும் ஒரு சில தெலுங்கு படங்களிலும் நடித்து வருகிறார்.
இந்த நிலையில் சமூக வலைதளங்களில் ஆக்டிவ்வாக இருக்கும் கீர்த்திசுரேஷ் அவ்வப்போது தனது புகைப்படங்களையும் வீடியோக்களையும் பதிவு செய்து லைக்ஸ்களை அள்ளுவார் என்பது குறிப்பிடத்தக்கது.
இந்த நிலையில் சற்று முன் அவர் தனது இன்ஸ்டாகிராம் பக்கத்தில் யோகா செய்யும் போஸில் ஒரு புகைப்படத்தை பதிவு செய்துள்ளார். இதுவரை யோகா போஸில் பார்த்திராத கீர்த்தி சுரேஷ் இந்த போஸில் பார்த்தும் ரசிகர்கள் ஆச்சரியம் அடைந்து வருகின்றனர்.
இந்த பதிவில் கீர்த்தி சுரேஷ் கூறியிருப்பதாவது, ‘எனது வழக்கமான தினசரி யோகாவால் நான் அமைதியாக உணர்கிறேன்’ என்று கூறியுள்ளார். கீர்த்தி சுரேஷ் இந்த புகைப்படத்தை பதிவு செய்து 5 மணி நேரம் மட்டுமே ஆகியுள்ள நிலையில் 7 லட்சத்திற்கும் அதிகமான லைக்ஸ்கள் குவிந்துள்ளது என்பது குறிப்பிடத்தக்கது.