విశాల్ కు తమిళంతో పాటు తెలుగులో కూడా మార్కెట్ తెచ్చిపెట్టిన చిత్రం పందెంకోడి. 2005లో విడుదలైన ఈ చిత్రం తిరుగులేని విజయాన్ని సొంతం చేసుకుంది. పదేళ్ళ తర్వాత ఇప్పుడు ఈ సినిమాకు సీక్వెల్ చేయడానికి రంగం సిద్ధమైంది. విశాల్ ఈ సినిమాకు సీక్వెల్ చేస్తున్నట్టు ప్రకటించాడు. ఎప్పుడో ప్రారంభం కావాల్సిన ఈ చిత్రం కొన్ని కారణాలతో వాయిదా పడుతూ వచ్చింది.ఈ నెలలో సెట్స్ లోకి వెళుతుందని అందరూ అనుకుంటున్న తరుణంలో సినిమా ఆగిపోయిందంటూ విశాల్ ప్రకటించాడు...మ‌ళ్లీ సినిమా ప్రారంభం అవుతుంద‌ని సోష‌ల్ మీడియాలో తెలియ‌జేశాడు. పందెంకోడి సీక్వెల్‌కు యువ‌న్‌శంక‌ర్ రాజా మ్యూజిక్ అందిస్తుండ‌గా, మ‌ది సినిమాటోగ్రఫీ చేస్తాడ‌ట‌.

త్వ‌ర‌లోనే మ‌రిన్ని విశేషాలు తెలియ‌జేస్తాని విశాల్ అన్నాడు అయితే లింగుస్వామి బ‌న్ని సినిమాను ప్ర‌క‌టించాడు. లింగుస్వామి బ‌న్ని సినిమాను పూర్తి చేసేలోపు విశాల్ మిస్కిన్ సినిమాతో పాటు మ‌రో సినిమాను కూడా పూర్తి చేసేస్తాడ‌ట‌. త‌ర్వాత‌నే పందెంకోడి సీక్వెల్ స్టార్ట‌వుతుంద‌ని అంటున్నారు. ఈ సినిమాలో కీర్తిసురేష్ హీరోయిన్‌గా న‌టిస్తుంద‌ని వార్త‌లు విన‌ప‌డుతున్నాయి. త‌మిళంలో విజ‌య్ వంటి స్టార్ హీరోల‌తో పాటు న‌టిస్తూ కీర్తిసురేష్ బిజీ హీరోయిన్‌గా మారింది.