మహేష్ సరసన రామ్ హీరోయిన్..
- IndiaGlitz, [Saturday,February 20 2016]
సూప‌ర్ స్టార్ మహేష్ న‌టిస్తున్న బ్ర‌హ్మోత్స‌వం మే లో ప్రేక్ష‌కుల ముందుకు వ‌చ్చేందుకు రెడీ అవుతుంది. ఈ సినిమా త‌ర్వాత మహేష్ మురుగుదాస్ మూవీ చేయ‌నున్నారు. ఈ చిత్రాన్ని ఎన్.వి.ప్ర‌సాద్ భారీ బ‌డ్జెట్ తో రూపొందిస్తున్నారు. తెలుగు, త‌మిళ్ లో రూపొందే ఈ చిత్రాన్ని ఏప్రిల్ 14న ప్రారంభించ‌డానికి ప్లాన్ చేస్తున్నారు. ఈ భారీ క్రేజీ మూవీలో మహేష్ సరసన న‌టించే హీరోయిన్ కోసం చాలా మంది పేర్లు వినిపించిన‌ప్ప‌టికీ ఫైన‌ల్ గా కీర్తి సురేష్ ని ఫిక్స్ చేసిన‌ట్టు స‌మాచారం. నేను శైల‌జ సినిమాతో ప్రేక్ష‌కుల‌ను ఆక‌ట్టుకుని కీర్తి సురేష్ తెలుగులో మంచి గుర్తింపు ఏర్ప‌రుచుకుంది. అలాగే త‌మిళ్ లో కూడా కీర్తి సురేష్ కి క్రేజ్ ఉండ‌డంతో మురుగుదాస్ ఈ నిర్ణ‌యం తీసుకున్న‌ట్టు చెన్నై స‌మాచారం. మ‌రి..ఇదే క‌నుక నిజ‌మైతే కీర్తి సురేష్ కీర్తి మ‌రింత పెర‌గ‌డం ఖాయం.