தனுஷ் படத்தில் இருந்து கீர்த்தி சுரேஷ் வெளியேற்றமா?
- IndiaGlitz, [Friday,August 21 2015]
ஏ.எல்.விஜய் இயக்கிய 'இது என்ன மாயம்' படத்தின் மூலம் அறிமுகமான நடிகை கீர்த்தி சுரேஷ் மளமளவென புதிய படங்களில் புக் ஆனார். சிவகார்த்திகேயனுடன் ரஜினி முருகன், பாபிசிம்ஹாவுடன் பாம்புச்சட்டை மற்றும் ஜீவாவுடன் 'கவலை வேண்டாம்' ஆகிய படங்களில் நடித்து கொண்டிருக்கும் கீர்த்தி சுரேஷ், தனுஷ் நடிப்பில் பிரபுசாலமன் இயக்கும் படத்திலும் நடித்து வருவதாக செய்திகள் வெளிவந்தது.
ஆனால் தற்போது வந்துள்ள புதிய தகவலின்படி, கீர்த்தி சுரேஷ் தனுஷ்-பிரபுசாலமன் படத்தில் இடம்பெறவில்லை என கூறப்படுகிறது. கால்ஷீட் தேதிகள் பிரச்சனைகள் காரணமாக அவர் இந்த படத்தில் நடிக்கவில்லை என்றும் அதே போல் இதே காரணத்திற்காக விஷாலின் நடிப்பில் லிங்குசாமி இயக்கவுள்ள 'சண்டக்கோழி 2' படத்திலும் கீர்த்தி சுரேஷால் நடிக்க முடியவில்லை என கூறப்படுகிறது.
தற்போது விறுவிறுப்பாக படப்பிடிப்பு நடைபெற்று கொண்டிருக்கும் தனுஷ்-பிரபுசாலமன் திரைப்படத்திற்கு படக்குழுவினர் வேறு நாயகியை தேடி வருவதாகவும், விரைவில் இதுகுறித்த அறிவிப்பு வெளிவரும் என கூறப்படுகிறது. முழுக்க முழுக்க ரயிலில் நடைபெறும் வகையில் திரைக்கதை அமைக்கப்பட்டுள்ள இந்த படத்திற்கு இமான் இசையமைக்கின்றார். வெற்றிவேல் மகேந்திரன் ஒளிப்பதிவு செய்யும் இந்த படத்தை சத்யஜோதி பிலிம்ஸ் நிறுவனம் தயாரித்து வருகிறது. தனுஷுடன் தம்பி ராமையா மற்றும் கருணாகரனும் முக்கிய பாத்திரங்களில் நடித்து வருகின்றனர்.