உலக கோப்பை கால்பந்து போட்டியின் இறுதி ஆட்டம் நேற்று நடைபெற்ற நிலையில் நேற்றைய போட்டியில் அர்ஜென்டினா அணி அபாரமாக வெற்றி பெற்றது. இதனை அடுத்து அந்த அணியின் தலைவர் மெஸ்ஸிக்கு வாழ்த்துக்கள் குவிந்து வரும் நிலையில் நடிகை கீர்த்தி சுரேஷ் தனது வாழ்த்துக்களை தெரிவித்து பகிர்ந்த புகைப்படங்கள் தற்போது வைரல் ஆகி வருகின்றன.

உலக கோப்பை கால்பந்து போட்டியின் இறுதி ஆட்டம் நேற்று அர்ஜென்டினா மற்றும் பிரான்ஸ் அணிகளுக்கிடையே நடைபெற்றது. இந்த போட்டியில் இரு அணிகளும் தலா 3 கோல்கள் போட்டதால் வெற்றியை தீர்மானிக்க பெனால்டிசூட் முறை பின்பற்ற முடிவு செய்யப்பட்டது.

பெனால்டி ஷூட்டில் அர்ஜென்டினா அபார 4-2 என்ற கோல் கணக்கில் பிரான்ஸ் அணியை வீழ்த்தி உலக கோப்பையை கைப்பற்றியது என்பதும் இந்த அணி 3-வது முறையாக உலக கோப்பையை கைப்பற்றியது என்பது குறிப்பிடத்தக்கது.

இந்த நிலையில் உலக கோப்பையை கைப்பற்றிய அர்ஜென்டினா அணிக்கு பிரதமர் மோடி, முதல்வர் முக ஸ்டாலின் உள்பட பல அரசியல் தலைவர்கள் வாழ்த்து தெரிவித்து வருகின்றனர். அதே போல் ஏராளமான திரையுலக பிரபலங்களும் அர்ஜெண்டினா அணிக்கும் குறிப்பாக மெஸ்ஸிக்கும் வாழ்த்துக்களை தெரிவித்து வருகின்றனர்.

அந்த வகையில் நடிகை கீர்த்தி சுரேஷ் தனது இன்ஸ்டாகிராம் பக்கத்தில் லியோனல் மெஸ்ஸி குறித்த புகைப்படங்களை பதிவு செய்து வாழ்த்துக்களை தெரிவித்துள்ளார். கால்பந்து மைதானத்தை அலங்கரித்த மிகச்சிறந்த வீரர் மெஸ்ஸிக்கு தனது வாழ்த்துக்கள் என்றும் இது உங்கள் வாழ்வில் முக்கியமான போட்டி என்றும் அர்ஜென்டினாவுக்கு மட்டுமின்றி கால்பந்து உலகமே உங்களுடைய விளையாட்டு திறமைக்காக வாழ்த்துகிறது என்றும் கூறியுள்ளார்.

மேலும் லியோனல் மெஸ்ஸி இன்று உங்கள் நாள் என்றும் ஒரு மிகப்பெரிய வெற்றியைப் பெற்று வரலாற்றை உருவாக்கி உள்ளீர்கள் என்றும் அவர் தெரிவித்துள்ளார். இந்த பதிவு தற்போது வைரலாகி வருகிறது.

View this post on Instagram

A post shared by Keerthy Suresh (@keerthysureshofficial)