கீர்த்திசுரேஷ் வெளியிட்ட 'சாணி காகிதம்' மாஸ் ஸ்டில்: இணையத்தில் வைரல்!
- IndiaGlitz, [Saturday,January 30 2021]
தென்னிந்திய தெலுங்கு திரை உலகின் பிரபல நடிகை கீர்த்தி சுரேஷ் தற்போது செல்வராகவனுடன் ‘சாணிக் காகிதம்’ என்ற திரைப்படத்தில் நடித்து வருகிறார் என்பது தெரிந்ததே
இந்த நிலையில் ‘சாணிக் காகிதம்’ படத்தின் படப்பிடிப்பு தற்போது விறுவிறுப்பாக நடைபெற்று வரும் நிலையில் இந்த படத்தின் படப்பிடிப்பு தளத்தில் எடுக்கப்பட்ட ஒரு புகைப்படத்தை கீர்த்தி சுரேஷ் தனது இன்ஸ்டாவில் பதிவு செய்துள்ளார்
கருப்பு வெள்ளையில் உள்ள இந்த புகைப்படத்தில் கீர்த்தி சுரேஷ் ஒரு நாற்காலியில் உட்கார்ந்து மாஸ்க் அணிந்தவாறு இருப்பது போன்றும், படக்குழுவில் ஒருவர் காட்சியை விளக்குவது போன்றும் உள்ளது. இந்த புகைப்படம் மாஸ் ஆக இருப்பதாக அவரது ரசிகர்கள் சமூக வலைதளங்களில் கமெண்ட்டுகளை பதிவு செய்து வருகின்றனர்
இந்த படத்தின் படப்பிடிப்பில் கலந்து கொள்வதில் மிகுந்த ஆர்வமாக இருக்கிறேன் என்றும் கீர்த்தி சுரேஷ் அதில் பதிவு செய்துள்ளார். இந்த படத்தின் படப்பிடிப்பு மிக விரைவில் முடிந்து விடும் என்றும் இந்த இன்னும் ஒரு சில மாதங்களில் இந்த படம் திரைக்கு வர உள்ளதாகவும் தகவல்கள் வெளிவந்துள்ளன
சூப்பர் ஸ்டார் ரஜினியுடன் ‘அண்ணாத்த’ படத்தில் நடித்து வரும் கீர்த்தி சுரேஷ் மூன்று தெலுங்கு படங்களிலும், இரண்டு மலையாள திரைப்படங்களிலும் பிசியாக நடித்து வருகிறார் என்பது குறிப்பிடத்தக்கது