5 ஆண்டுகளுக்கு பின் சூர்யாவுடன் மீண்டும் இணையும் பிரபல நடிகை!
- IndiaGlitz, [Saturday,November 20 2021]
5 ஆண்டுகளுக்குப் பின் சூர்யாவுடன் மீண்டும் பிரபல நடிகை ஒருவர் இணைய உள்ளதாக தகவல்கள் வெளியாகியுள்ளன.
சூர்யா நடித்த ’ஜெய்பீம்’ திரைப்படம் மிகப்பெரிய வரவேற்பை பெற்ற நிலையில் அவரது அடுத்த படமான ’எதற்கும் துணிந்தவன்’ என்ற திரைப்படம் அடுத்த ஆண்டு பிப்ரவரி 4-ஆம் தேதி வெளியாக உள்ளதாக அதிகாரப்பூர்வமாக அறிவிக்கப்பட்டுள்ளது.
இந்நிலையில் தேசிய விருது பெற்ற இயக்குனர் பாலாவின் இயக்கத்தில் சூர்யா நடிக்க இருப்பதாகவும் இந்த படத்தின் பணிகள் ஆரம்பகட்ட பணிகள் விறுவிறுப்பாக நடைபெற்று வருவதாகவும் செய்திகள் வெளியானது.
இந்த நிலையில் இந்த படத்தின் நாயகியாக கீர்த்தி சுரேஷ் நடிக்க இருப்பதாக தகவல் வெளிவந்துள்ளது. கடந்த 2017 ஆம் ஆண்டு சூர்யாவுடன் ’தானா சேர்ந்த கூட்டம்’ என்ற திரைப்படத்தில் நடித்த கீர்த்தி சுரேஷ், ஐந்து ஆண்டுகளுக்குப் பின் மீண்டும் சூர்யாவுடன் இணைய உள்ளார் என்பது குறிப்பிடத்தக்கது. இந்த படத்தின் படப்பிடிப்பு அடுத்த ஆண்டு தொடங்க உள்ளது என்பது குறிப்பிடத்தக்கது.
நடிகை கீர்த்தி சுரேஷ் நடிப்பில் சமீபத்தில் வெளியான ரஜினியின் ‘அண்ணாத்த’ திரைப்படம் மிகப்பெரிய அளவில் வெற்றி பெற்றது என்பது குறிப்பிடத்தக்கது. அதுதவிர மோகன்லாலுடன் ‘மரைக்கார்’ மகேஷ்பாபுவுடன் ’சர்க்காரு வாரி பாட்டா’ செல்வராகவனுடன் ’சாணிக்காகிதம்’, சிரஞ்சீவியுடன் ‘போலோ சங்கர் ஆகிய படங்களிலும் கீர்த்தி சுரேஷ் நடித்து வருகிறார் என்பது குறிப்பிடத்தக்கது.