கரும்பலகையில் இருந்த ஹிந்தியை மட்டும் அழித்த கீர்த்தி சுரேஷ்.. வைரல் வீடியோ..!
- IndiaGlitz, [Tuesday,January 02 2024]
கீர்த்தி சுரேஷ் நடித்து முடித்துள்ள 'ரகு தாத்தா’ என்ற திரைப்படத்தின் படப்பிடிப்பு முடிவடைந்து விரைவில் ரிலீசாக இருக்கும் நிலையில் இந்த படத்தின் கிளிம்ப்ஸ் வீடியோ வெளியாகி இணையத்தில் வைரல் ஆகி வருகிறது
தமிழ் திரையுலகின் முன்னணி நடிகைகளில் ஒருவரான கீர்த்தி சுரேஷ் நடித்துள்ள ’ரகு தாத்தா’ என்ற திரைப்பட த்தின் படப்பிடிப்பு சமீபத்தில் முடிவடைந்து தொழில்நுட்ப பணிகள் தற்போது விறுவிறுப்பாக நடைபெற்று வருகிறது.
இந்த நிலையில் கடந்த மாதம் இந்த படத்தின் முதலாவது கிளிம்ப்ஸ் வீடியோ வெளியான நிலையில் அதில் கிராமங்களில் ஒரு திரைப்படம் வெளியாகும் தண்டோரா போட்டு சொல்லும் காட்சி இடம்பெற்றிருந்தது என்பதை பார்த்தோம்.
இந்த நிலையில் சற்று முன் வெளியாகி உள்ள அடுத்த கிளிம்ப்ஸ் வீடியாவில் 'Hindi Word of the Day' என்று கரும்பலகையில் எழுதியிருந்த நிலையில் அதை ஆசிரியை கேரக்டரில் நடித்த கீர்த்தி சுரேஷ், ஹிந்தி என்ற வார்த்தையை மட்டும் அடித்து விட்டு வேகமாக செல்லும் காட்சி இடம் பெற்றுள்ளது. இந்த வீடியோ தற்போது இணையத்தில் வைரலாகி வருகிறது.
கீர்த்தி சுரேஷ் முக்கிய வேடத்தில் நடித்திருக்கும் இந்த படத்தில் எம்எஸ் பாஸ்கர், தேவதர்ஷினி, ரவீந்திர விஜய், உள்பட பலர் நடித்துள்ளனர். சுமன் குமார் இயக்கத்தில் உருவாகிய இந்த படத்திற்கு சீன் ரோல்டான் இசையமைத்துள்ளார். இந்த படத்தின் ரிலீஸ் தேதி விரைவில் அறிவிக்கப்படும் என்று எதிர்பார்க்கப்படுகிறது.