நடிகை கீர்த்தி சுரேஷ் தனது இன்ஸ்டாகிராம் பக்கத்தில் எட்டு வருடங்களுக்கு முன் உங்களை நான் பார்த்ததற்கும் இப்போது பார்ப்பதற்கும் அதிக வித்தியாசம் இருக்கிறது என்றும் உங்கள் வளர்ச்சியை பார்த்து நான் பெருமையுடன் மகிழ்ச்சி அடைகிறேன் என்றும் எமோஷனலாக பதிவு செய்துள்ளார்.

தமிழ், தெலுங்கு திரையுலகில் முன்னணி நடிகைகளில் ஒருவர் கீர்த்தி சுரேஷ் என்பதும் தற்போது கூட அவர் இரண்டு தமிழ் படங்கள் உள்பட 3 படங்களில் நடித்து வருகிறார் என்பதும் தெரிந்தது. குறிப்பாக விஜய் நடித்த ’தெறி’ படத்தின் இந்தி ரீமேக் திரைப்படமான ’பேபி ஜான்’ திரைப்படத்தில் கீர்த்தி சுரேஷ் நடித்துள்ள நிலையில் இந்த படம் வெற்றி பெற்றால் அவருக்கு பாலிவுட்டிலும் வாய்ப்பு கிடைக்கும் என்று எதிர்பார்க்கப்படுகிறது.

இந்நிலையில் விஜய்யின் மேனேஜர் மற்றும் தயாரிப்பாளர் ஜெகதீஷ் குறித்து கீர்த்தி சுரேஷ் தனது இன்ஸ்டாகிராம் பக்கத்தில் எமோஷனலாக பதிவு செய்துள்ளார். அந்த பதிவில் ’எட்டு வருடங்களுக்கு முன் உங்களை தயாரிப்பாளராக, ஒரு தயாரிப்பு நிறுவனத்தின் உரிமையாளராக பார்த்தேன். ஆனால் இந்த எட்டு வருடங்களில் நீங்கள் மிகப்பெரிய அளவில் வளர்ந்திருப்பதை பார்த்து பெருமை கொள்கிறேன். உங்கள் வளர்ச்சி சூப்பர். எல்லாரையும் விட உங்கள் அம்மா ரொம்ப சந்தோஷப்படுவார். நீங்கள் அவருக்கு கொடுக்கக்கூடிய சிறந்த பரிசு இதுதான்’ என்று குறிப்பிட்டுள்ளார். இந்த பதிவை தற்போது இணையத்தில் வைரல் ஆகி வருகிறது.

மேலும் ஜெகதீஷ் தயாரிப்பில் உருவாகி வரும் ’ரிவால்வர் ரீட்டா’ என்ற படத்தில் கீர்த்தி சுரேஷ் முக்கிய வேடத்தில் நடித்து வருகிறார் என்பதும் இந்த படம் விரைவில் ரிலீஸ் ஆக உள்ளது என்பதும் குறிப்பிடத்தக்கது.