கொரோனா விடுமுறையில் வயலில் உழுத பிரபல நடிகை!
- IndiaGlitz, [Saturday,April 18 2020]
கொரோனா விடுமுறை வந்தாலும் வந்தது, தமிழ் திரை உலகில் உள்ள பிரபல நடிகர் நடிகைகள் பலர் தங்களுடைய சமூக வலைதளங்களில் வித்தியாசமான, காமெடியான, சீரியசான வீடியோக்களை பதிவு செய்து ரசிகர்களை கவர்ந்து வருகின்றனர். இதில் பெரும்பாலான வீடியோக்கள் ரசிகர்களால் பெரிதும் வரவேற்கப்பட்ட வருகிறது என்பது குறிப்பிடத்தக்கது.
இந்த நிலையில் பிரபல நடிகர் மற்றும் தயாரிப்பாளர் அருண்பாண்டியனின் மகளும், ‘தும்பா’என்ற படத்தில் நடித்தவருமான கீர்த்தி பாண்டியன் தற்போது ஒரு வீடியோவை தனது சமூக வலைத்தளத்தில் வெளியிட்டுள்ளார். அதில் அவர் தனது சொந்த நிலத்தில் டிராக்டரால் உழுவது போன்ற காட்சிகள் உள்ளன. கொரோனா விடுமுறையில் மீண்டும் உழுவதற்கான வந்துவிட்டேன் என்று அவர் அதில் குறிப்பிட்டுள்ளார். மேலும் தங்கள் நிலத்தில் உழுவது ஊரடங்கு உத்தரவை மீறி வெளியே வருவது ஆகாது என்றும் இது தங்களது சொந்த நிலம் என்றும் இது பொது இடம் கிடையாது என்றும் நாங்கள் ஊரடங்கு உத்தரவை மிகவும் மதிப்பவர்கள் என்றும் அவர் குறிப்பிட்டுள்ளார்.
இந்த நிலையில் கீர்த்தி பாண்டியன் தனது தந்தை அருண்பாண்டியனுடன் இணைந்து ஒரு படத்தில் நடிக்கவுள்ளார் என்பதும், இந்த படத்தில் இருவரும் தந்தை மகள் கேரக்டர்களில் நடிக்கவிருப்பதாகவும் இந்த படம் மலையாளத்தில் சூப்பர்ஹிட்டான ‘ஹெலன்’ என்ற படத்தின் தமிழ் ரீமேக் என்றும் சமீபத்தில் செய்திகள் வெளியானது.
Landscaping! ♥️
— Keerthi Pandian (@ikeerthipandian) April 17, 2020
Let the farming begin ???? #quarantine #farming
(Again, this is our quarantine gated home property, it is not a public area. We are being very much responsible ??) pic.twitter.com/j3e7xkgwPu