ஐபிஎல் கிரிக்கெட் போட்டியின் முதல் போட்டியில் வெற்றிக்கு காரணமாக இருந்தவர்களில் இருவர் பிராவோ மற்றும் கேதார் ஜாதவ் என்பது தெரிந்ததே. குறிப்பாக கேதார் ஜாதவ் கடைசி ஓவரில் அடித்த ஒரு சிக்ஸர் மற்றும் ஒரு பவுண்டரியே வெற்றிக்கு வித்திட்டது

இருப்பினும் இந்த போட்டியின்போது கேதார் ஜாதவ் காயமடைந்து ரிட்டயர் ஹர்ட் ஆகி பின்னர் மீண்டும் கடைசி ஓவரில் விளையாடினார் என்பது குறிப்பிடத்தக்கது.

இந்த நிலையில் கேதார் ஜாதவ் காயம் முழுமையாக குணமடைய இன்னும் சில நாட்கள் ஆகும் என்பதால் அவர் அடுத்த சில போட்டிகளில் விளையாட வாய்ப்பில்லை என்றே கூறப்படுகிறது. இதுகுறித்து சிஎஸ்கே அணியின் பேட்டிங் கோச் மைக் ஹஸ்ஸி கூறியபோது, 'கேதார் ஜாதவ் காயம் அடைந்தது அணிக்கு மிகப்பெரிய இழப்பு தான். மிடில் ஆர்டர் பேட்டிங்கில் அவருக்கு பதிலாக சரியான நபரை களமிறக்குவோம் என்று கூறியுள்ளார். ரூ.7.8 கோடிக்கு சிஎஸ்கே அணியால் ஏலம் எடுக்கப்பட்ட நம்பிக்கை நட்சத்திர பேட்ஸ்மேனன் கேதார் ஜாதவ் இழப்பு சிஎஸ்கே ரசிகர்களுக்கு சோகத்தை ஏற்படுத்தியுள்ளது.