ఈరోజు మధ్యాహ్నం 'గౌతమిపుత్ర శాతకర్ణి' ని వీక్షించనున్న కె.సి.ఆర్
- IndiaGlitz, [Thursday,January 12 2017]
తెలుగుజాతి ఖ్యాతిని చాటి చెప్పిన చ‌క్ర‌వ‌ర్తి గౌతమిపుత్ర శాతకర్ణి జీవిత‌గాథ బాల‌కృష్ణ హీరోగా తెర‌కెక్కింన సంగ‌తి తెలిసిందే. క్రిష్ ద‌ర్శ‌క‌త్వంలో రూపొందిన ఈ సినిమా సంక్రాంతి సంద‌ర్భంగా జ‌న‌వ‌రి 12న గ్రాండ్ రిలీజైంది. మంచి టాక్‌తో ముందుకెళుతున్న ఈ చిత్రం విడుద‌ల‌కు ముందే మంచి అంచ‌నాల‌ను క్రియేట్ చేసుకుంది. తెలుగు జాతి గొప్ప‌త‌నాన్ని చెప్పే చిత్రం కావ‌డంతో రెండు తెలుగు రాష్ట్రాల నుండి ఈ సినిమాకు ట్యాక్స్ ఎగ్జంప్ష‌న్ దొరికింది.
ముఖ్యంగా ఈ సినిమా ఓపెనింగ్ రోజునే తెలంగాణ ముఖ్య‌మంత్రి కె.సి.ఆర్ తాను తొలిరోజునే సినిమాను చూడాల‌నుకుంటున్నాన‌ని చెప్పారు. అన్న‌మాట ప్ర‌కార‌మే కె.సి.ఆర్ ఈ రోజు అంటే జ‌న‌వ‌రి 12 మధ్యాహ్నం ప్ర‌సాద్ ఐ మ్యాక్స్‌లో సినిమాను చూస్తున్నారు. బాల‌కృష్ణ‌తో పాటు మొత్తం చిత్ర‌యూనిట్ కూడా ఈ షోకు హాజ‌రు కానుంది.