ஏ.ஆர்.முருகதாஸ் இயக்கத்தில் தளபதி விஜய் நடித்த 'சர்கார்' கதை தன்னுடைய செங்கோல்' கதை என வருண் ராஜேந்திரன் எழுத்தாளர் சங்கத்தில் புகார் கொடுத்த நிலையில் அந்த சங்கத்தின் தலைவரான கே.பாக்யராஜ், சர்கார் படத்தின் கதையும் செங்கோல் கதையும் ஒன்றுதான் என அறிவித்தார். இதனையடுத்து இந்த பிரச்சனை நீதிமன்றத்திற்கு சென்றது. இருப்பினும் 'சர்கார்' இயக்குனர் முருகதாஸ் மற்றும் வருண் ராஜேந்திரன் சமரசம் செய்து கொண்டதால் இந்த பிரச்சனை முடிவுக்கு வந்தது

இந்த நிலையில் 'சர்கார்' பிரச்சனையால் பாக்யராஜூக்கு தர்மசங்கடம் ஏற்பட்டதாக கூறப்பட்டது. இதனையடுத்து சற்றுமுன் 'எழுத்தாளர் சங்கத்தலைவர் பதவியில் இருந்து பாக்யராஜ் ராஜினாமா செய்துள்ளார்.

கே.பாக்யராஜ் ராஜினாமா என்பது அவர் சொந்தமாக எடுத்த முடிவா? அல்லது அவர் ராஜினாமா செய்ய யாராவாது அழுத்தம் கொடுத்தார்களா? என்ற கேள்வி சமூக வலைத்தள பயனாளர்களிடையே எழுந்துள்ளது.