ஏலத்துக்கு வருகிறது ரஜினி-கமல் பட தயாரிப்பு நிறுவனம்
- IndiaGlitz, [Monday,February 12 2018]
சூப்பர் ஸ்டார் ரஜினிகாந்த் நடித்த அண்ணாமலை, முத்து, உலக நாயகன் கமல்ஹாசன் நடித்த புன்னகை மன்னன் உள்பட ஏராளமான வெற்றி படங்களை தயாரித்த நிறுவனம் கவிதாலயா நிறுவனம். இந்த நிறுவனத்தின் சொத்துக்கள் தற்போது ஏலத்திற்கு வந்திருப்பதாக பிரபல ஆங்கில நாளிதழ் ஒன்றில் விளம்பரம் வந்துள்ளது.
வங்கி ஒன்றில் பெற்ற ஒரு கோடியே 36 லட்சம் கடனை செலுத்தாததால் இந்நிறுவனத்திற்கு சொந்தமான சென்னை அபிராமபுரத்தில் உள்ள கவிதாலயா புரொடக்சன்ஸ் நிறுவனத்தின் கட்டடங்கள் மற்றும் வீடு ஆகியவை ஏலத்துக்கு வந்துள்ளதாக அறிவிக்கப்பட்டுள்ளது.
தமிழ் திரையுலகில் பல வெற்றிகளை குவித்த நிறுவனமான கவிதாலயா புரொடக்சன்ஸின் சொத்துகள் ஏலத்திற்கு வந்துள்ளது கோலிவுட் திரையுலகை அதிர்ச்சியை ஏற்படுத்தியுள்ளது