பிக்பாஸ் நிகழ்ச்சியின் மூலம் பிரபலமான நடிகர் கவின் நடித்த ’லிப்ட்’ திரைப்படம் கடந்த ஆண்டு வெளியான நிலையில் இந்த படம் ரசிகர்கள் மத்தியில் நல்ல வரவேற்பை பெற்றது என்பது தெரிந்ததே. இதனை அடுத்து கவின் நடிக்கும் அடுத்த படம் குறித்த தகவல் விரைவில் வெளியாகும் என்று கூறப்பட்ட நிலையில் தற்போது இதுகுறித்த தகவல் கசிந்துள்ளது.

சிவகார்த்திகேயன் நடித்த ’மனம் கொத்தி பறவை’, ஜீவா நடித்த ’ஜிப்ஸி’ ஆகிய திரைப்படங்களை தயாரித்த ஒலிம்பியா மூவீஸ் தயாரிக்கும் அடுத்த திரைப்படத்தில் கதாநாயகனாக கவின் நடிக்க இருப்பதாகவும் இது குறித்த அறிவிப்பு இன்று அதிகாரப்பூர்வமாக வெளிவரும் என்றும் கூறப்படுகிறது

ஏற்கனவே நடிகர் கவின், சிவகார்த்திகேயன் நடித்த ’டாக்டர்’ மற்றும் விஜய் நடித்த ’பீஸ்ட்’ ஆகிய படங்களில் இயக்குனர் நெல்சனிடம் உதவி இயக்குனராக பணிபுரிந்ததாகவும் தகவல்கள் வெளியானது.