உன்னை மாதிரி கால் மட்டும் இருந்திருந்தா நானும் ஆட்டோ ஓட்டியிருப்பேன்: கவினின் 'பிளடி பெக்கர்' டீசர்.!
- IndiaGlitz, [Tuesday,October 08 2024]
கவின் நடித்த 'பிளடி பெக்கர்’ என்ற திரைப்படத்தின் படப்பிடிப்பு முடிவடைந்து வரும் தீபாவளி அன்று வெளியாக இருக்கிறது. இந்த படத்தின் தொழில்நுட்ப பணிகள் விறுவிறுப்பாக நடைபெற்று வருவதாக செய்திகள் வெளியாகிக் கொண்டிருக்கின்றன.
இந்த நிலையில் அடுத்த கட்டமாக, இந்த படத்தின் புரமோஷன் பணிகளை பட குழுவினர் துவக்கியுள்ளனர். தற்போது, முதல் கட்டமாக டீசர் வெளியாகி உள்ளது. இந்த டீசரில் கவின், பிச்சைக்காரன் வேடத்தில் பிச்சை எடுத்துக் கொண்டிருக்கும்போது, ஒரு ஆட்டோ டிரைவரிடம் பிச்சை கேட்கிறார்.
அப்போது அந்த ஆட்டோ டிரைவர், நானே காலையிலிருந்து சவாரி இல்லாமல் செம கடுப்பில் இருக்கிறேன் என்று கூற, உன்னை மாதிரி கால் மட்டும் எனக்கு இருந்திருந்தால், நானும் ஆட்டோ ஓட்டிருப்பேன் என்று கவின் கூறுகிறார். இதை பார்த்து இறக்கப்பட்ட அந்த ஆட்டோ டிரைவர் பிச்சை போடுகிறார்.
அப்போது, அந்த பக்கமாக ஒரு ஊர்வலம் கொட்டு சத்தத்தோடு வருகிறது. அந்த கொட்டு சத்தத்தை கேட்டவுடன், கவின் எழுந்து ஆடத் தொடங்கினான். இதையும் ஆட்டோ டிரைவர் அதிர்ச்சியுடன் பார்த்துக் கொண்டிருக்கும் நிலையில், இந்த டீசர் வீடியோ முடிவுக்கு வருகிறது.
இயக்குனர் நெல்சன் தயாரிப்பில் உருவாகி உள்ள இந்த படத்தில் கவின், ரெடின் கிங்ஸ்லி, மாருதி பிரகாஷ் ராஜ், சுனில் சுகதா, டி எம் கார்த்திக், பிரியதர்ஷினி ராஜ்குமார் உள்ளிட்ட பலர் கலரா நடித்து வருகின்றனர். ஜென் மார்ட்டின் இசையில், சுஜித் சரங் ஒளிப்பதிவில், நிர்மல் படத்தொகுப்பில், இந்த உருவாகி வரும் படத்தை சிவபாலன் முத்துக்குமார் இயக்கி வருகிறார் என்பது குறிப்பிடத்தக்கது.