'தளபதி 65' படத்தில் கவின் நடிக்கின்றாரா?
- IndiaGlitz, [Wednesday,March 31 2021]
தளபதி விஜய் நடிக்க இருக்கும் 65வது திரைப்படமான ’தளபதி 65’ திரைப்படத்தின் பூஜை இன்று நடைபெற்றது என்பதும் இந்த பூஜையில் விஜய், நெல்சன் உள்பட பலர் கலந்து கொண்டனர் என்பதும் தெரிந்ததே. சன் பிக்சர்ஸ் நிறுவனம் தனது டுவிட்டர் பக்கத்தில் வெளியிட்டு இருந்த ’தளபதி 65’பூஜை சம்பந்தப்பட்ட புகைப்படங்கள் இணையதளங்களில் வைரலாகி வந்தன என்பது குறிப்பிடத்தக்கது
இந்த நிலையில் ’தளபதி 65’ திரைப்படத்தின் பூஜையில் நடிகர் கவின் மற்றும் நடிகர் விடிவி கணேஷ் ஆகியோர்களும் கலந்துகொண்டார்கள். இதனையடுத்து இருவரும் ’தளபதி 65’ திரைப் படத்தில் நடிப்பதாக செய்திகள் பரவின
இந்த நிலையில் படக்குழுவினர்களிடம் இருந்து வெளி வந்த தகவலின்படி இந்த படத்தில் கவின் நடிக்கவில்லை என்றும் ஆனால் விடிவி கணேஷ் இந்த திரைப்படத்தில் நடிக்கிறார் என்றும் முதன்முறையாக அவர் விஜய்யுடன் நடிக்க இருக்கிறார் என்றும் தகவல்கள் வெளிவந்துள்ளன
இயக்குனர் நெல்சன் இயக்கிய ’டாக்டர்’ திரைப்படத்தில் கவின் உதவி இயக்குநராகப் பணிபுரிந்ததாகவும் அந்த நட்பின் அடிப்படையில் தான் கவின் இந்த படத்தின் பூஜை விழாவில் கலந்து கொண்டதாகவும் கூறப்படுகிறது. மேலும் ’தளபதி 65’ படத்திலும் அவர் உதவி இயக்குநராக பணிபுரிவாரா? என்பதை பொறுத்திருந்துதான் பார்க்க வேண்டும்.