பாலிவுட் சினிமாவில் பிரபல நடிகையாக வரும்வரும் நடிகை கத்ரீனா கைஃப் மற்றும் நடிகர் விக்கி கௌஷால் இவர்களது திருமணம் கடந்த 9 ஆம் தேதி கோலாகலமாக நடைபெற்று முடிந்தது. இந்நிலையில் நடிகை கத்ரீனா தனது புகுந்த வீட்டு உறவினர்களாக ஆசையோடு அல்வா செய்து கொடுத்துள்ளார். அதுகுறித்த புகைப்படம் தற்போது சோஷியல் மீடியாவில் வைரலாகி வருகிறது.

நடிகை கத்ரீனா தன்னைவிட 5 வயது இளையவரான நடிகர் விக்கி கௌஷாலை காதலித்து வந்தார். இதையடுத்து கடந்த 9 ஆம் தேதி ராஜஸ்தானில் உள்ள 700 வருடப்பழமையான சிக்ஸ் சென்ஸ் கோட்டையில் இருவரும் உறவினர்கள் மத்தியில் திருமணம் செய்து கொண்டுள்ளனர். இந்தத் திருமணத்திற்கு பிரபலங்கள், நடிகர், நடிகைகள் என வெறுமனே 120 பேர் மட்டுமே அழைக்கப்பட்டு இருந்தனர்.

மேலும் திருமணத்திற்கு வரும் விருந்தினர்கள் யாரும் செல்போன் பயன்படுத்தக் கூடாது எனக் கேட்டுக்கொண்ட இந்த ஜோடி தங்களது திருமண வீடியோ ஒளிப்பரப்பு உரிமையை ஓடிடி தளமான அமேசான் பிரைம் தளத்திற்கு ரூ.80 கோடி ரூபாய்க்கு விற்றது குறித்த தகவல் வெளியானது. இதையடுத்து கூடிய விரைவில் மும்பையில் இவர்களது திருமண வரவேற்பு விழா நடைபெறும் என எதிர்ப்பார்க்கப்படுகிறது.

இந்நிலையில் நடிகை கத்ரீனா தனது புகுந்த வீட்டு உறவினர்களுக்காக இந்தியப் பாரம்பரிய உணவு வகைகளுள் ஒன்றான அல்வாவை செய்து கொடுத்துள்ளார். இதுகுறித்த புகைப்படம் தற்போது சோஷியல் மீடியாவில் வைரலாக அதற்கு நெட்டிசன்கள் தங்களது பாராட்டுகளை குவித்து வருகின்றனர்.