விஷாலின் 'கத்திச்சண்டை' எப்போது முடியும் தெரியுமா?
- IndiaGlitz, [Wednesday,May 04 2016]
விஷால் நடித்த 'மருது' மற்றும் 'மதகஜராஜா' ஆகிய இரண்டு படங்களும் அடுத்தடுத்த ரிலீஸ் ஆகவுள்ளது. இந்நிலையில் விஷால் அடுத்து சுராஜ் இயக்கத்தில் 'கத்திச்சண்டை' என்ற படத்திலும் மிஷ்கின் இயக்கத்தில் 'துப்பறிவாளன்' என்ற படத்திலும் நடிக்கவுள்ளார்.
நேற்று 'கத்திச்சண்டை' படத்தின் பூஜை சென்னையில் நடைபெற்றது என்பதை ஏற்கனவே பார்த்தோம். இந்நிலையில் இந்த படம் ஒரு குறுகிய கால தயாரிப்பு என்றும் வரும் ஆகஸ்ட் மாதம் இந்த படத்தின் படப்பிடிப்பு முடிந்துவிடும் என்றும் படக்குழுவினர் தெரிவித்துள்ளனர்.
விஷால், தமன்னா, வடிவேல், சூரி உள்பட பலர் நடிக்கவுள்ள இந்த படத்தின் படப்பிடிப்பு விரைவில் தொடங்கவுள்ளது. கடந்த 2007ஆம் ஆண்டு வெளியான 'திமிறு' படத்திற்கு பின்னர் விஷால் படத்தில் வடிவேலு மீண்டும் காமெடி நடிகராக நடிக்கவுள்ளார் என்பது குறிப்பிடத்தக்கது.