'கத்தி' தெலுங்கு ரீமேக்கின் டைட்டில் குறித்த தகவல்
- IndiaGlitz, [Monday,April 04 2016]
ஏ.ஆர்.முருகதாஸ் இயக்கத்தில் இளையதளபதி விஜய், சமந்தா நடித்த சூப்பர் ஹிட் திரைப்படம் 'கத்தி'. இந்த படத்தின் ரீமேக்கில்தான் தெலுங்கு மெகா ஸ்டார் சிரஞ்சீவி நடிக்கவுள்ளார். விவசாயிகளின் தற்கொலை, அரசியல் மற்றும் சமூக அவலங்கள் குறித்து இந்த படம் அலசுவதால் இந்த படம் தனக்கு பொருத்தமாக இருக்கும் என்று சிரஞ்சீவி தனது 150வது படமாக இந்த படத்தை தேர்வு செய்துள்ளார்.
வி.வி.விநாயக் இயக்கவுள்ள இந்த படத்தில் விஜய் நடித்த இரு வேடங்களில் சிரஞ்சீவியும் அவருக்கு ஜோடியாக நயன்தாராவும் நடிக்கவுள்ளனர். ராம்சரண் தேஜா மற்றும் லைகா நிறுவனம் இணைந்து தயாரிக்கவுள்ளதாக கூறப்படும் இந்த படத்தின் படப்பிடிப்பு விரைவில் தொடங்கவுள்ளது.
இந்நிலையில் இந்த படத்தின் டைட்டில் குறித்த தகவல் தற்போது வெளிவந்துள்ளது. 'கத்திலாண்டொடு (Kathilantodu) என்பதுதான் இந்த படத்தின் டைட்டில் என்றும் இதுகுறித்த அதிகாரபூர்வ அறிவிப்பு விரைவில் வெளிவரும் என்றும் கூறப்படுகிறது. இந்த படத்தில் புதிய கெட்டப்பில் சிரஞ்சீவி தோன்றுவார் என எதிர்பார்க்கப்படுகிறது.