தளபதி விஜய் நடிப்பில் இயக்குனர் அட்லி இயக்கி வரும் 'தளபதி 63' படம் பெண்கள் கால்பந்து விளையாட்டை மையமாக வைத்து உருவாக்கப்பட்ட கதையம்சம் கொண்ட படம் என்பது தெரிந்ததே. இந்த படத்தில் விஜய், கால்ந்து பயிற்சியாளராக நடித்து வருகிறார். மேலும் விஜய்யின் நண்பராகவும், கால்பந்து விளையாட்டு வீரராகவும் இந்த படத்தில் நடிகர் கதிர் நடித்து வருவதாக கூறப்படுகிறது.

இந்த நிலையில் 'தளபதி 63' படத்தை அடுத்து இன்னொரு படத்திலும் கால்பந்து வீரராக கதிர் நடித்து வருகிறார். அந்த படத்தின் பெயர் ஜடா. இந்த படத்தின் படப்பிடிப்பு முடிவைடைந்து தற்போது டப்பிங் பணி தொடங்கியுள்ளது. இந்த படத்திற்கான டப்பிங் பணியில் தற்போது கதிர் ஈடுபட்டுள்ளார். இந்த படம் 'தளபதி 63' படத்திற்கு முன்பே ரிலீஸ் ஆகிவிடும் என்று எதிர்பார்க்கப்படுகிறது.

கதிர், ரோஷினி, சமுத்திரக்கனி, யோகிபாபு, கார்த்திக் உள்பட பலர் நடித்துள்ள இந்த படத்தை குமரன் இயக்கியுள்ளார். சாம் சி.எஸ் இசையில் ரிச்சர்ட் நாதன் ஒளிப்பதிவில் ராஜா முகமது படத்தொகுப்பில் இந்த படம் உருவாகி வருகிறது.