பரியேறும் பெருமாள், விஜய் நடித்த பிகில் உள்பட பல திரைப்படங்களில் நடித்த கதிர் நடித்த ‘யூகி’ திரைப்படத்தின் படப்பிடிப்பு முடிவடைந்த நிலையில் இந்த படத்தின் டீஸர் சற்று முன் வெளியாகி உள்ளது.

ஒரு பெண் மர்மமான முறையில் காணாமல் போயுள்ள நிலையில் அந்த பெண்ணை கண்டுபிடிக்க போலீசார் திணறி வருகின்றனர். இந்த நிலையில் கதிர் தனியாளாக நின்று அந்த பெண்ணை கண்டுபிடித்து அவரின் பின்னால் உள்ள மர்மத்தை கண்டுபிடிப்பதுதான் ‘யூகி’ படத்தின் கதை என இன்று வெளியாகியுள்ள டீசரில் இருந்து தெரிய வருகிறது.

கதிர் கதாநாயகனாக நடித்துள்ள இந்த படத்தில் நரேன், நட்டி நட்ராஜ், கயல் ஆனந்தி, பவித்ரா லட்சுமி, பிரதாப் போத்தன், முனிஸ்காந்த் உள்பட பலர் நடித்துள்ளனர். ஜாக் ஹாரிஸ் இயக்கத்தில் உருவாகியுள்ள இந்த படத்திற்கு புஷ்பராஜ் ஒளிப்பதிவு செய்துள்ளார் என்பதும் ஜாமின் படத்தொகுப்பு செய்துள்ளார் என்பது குறிப்பிடத்தக்கது. இந்த படத்தை ரஞ்சின் ராஜ் என்பவர் இசையமைத்துள்ளார்.

இந்த படத்தின் இறுதிக்கட்ட போஸ்ட் புரடொக்சன்ஸ் பணிகள் நடைபெற்று வரும் நிலையில் இந்த படம் நவம்பர் 18ஆம் தேதி திரையரங்குகளில் வெளியாகும் என அறிவிக்கப்பட்டுள்ளது.