'కాటమరాయుడు' శాటిలైట్ హక్కులు ఎవరివంటే...
- IndiaGlitz, [Monday,March 13 2017]
ప‌వ‌ర్‌స్టార్ ప‌వ‌న్‌క‌ళ్యాణ్ టైటిల్ పాత్ర‌లో కిషోర్ పార్థసాని(డాలీ) దర్శకత్వంలో నార్త్ స్టార్ ఎంట‌ర్‌టైన్మెంట్ బ్యాన‌ర్‌పై శ‌ర‌త్‌మ‌రార్ నిర్మాత‌గా రూపొందుతోన్న చిత్రం 'కాటమరాయుడు'. ఉగాది సంద‌ర్భంగా ఈ సినిమా మార్చి 24న విడుద‌ల కానుంది. సినిమా ప్ర‌స్తుతం పాట‌ల చిత్రీక‌ర‌ణ‌ను జ‌రుపుకుంటుంది. సినిమా ప్రీ రిలీజ్ ఫంక్ష‌న్‌ను మార్చి 18న గ్రాండ్ లెవ‌ల్లో నిర్వ‌హించ‌నున్నారు. సినిమా విడుద‌ల‌కు ముందు నుండే సినిమాపై భారీ అంచ‌నాలు నెల‌కొన్న నేప‌థ్యంలో ఈ సినిమా శాటిలైట్ హ‌క్కుల‌కు భారీ పోటీ నెల‌కొంది. జెమిని టీవీవారు దాదాపు ప‌న్నెండున్న‌ర కోటి రూపాయ‌లు చెల్లించి శాటిలైట్ హ‌క్కుల‌ను సొంతం చేసుకున్నార‌ని స‌మాచారం.