ఈరోజు షూటింగ్ లో పాల్గొన్న కాటమరాయుడు
- IndiaGlitz, [Monday,September 26 2016]
ప‌వ‌ర్ స్టార్ ప‌వ‌న్ క‌ళ్యాణ్ హీరోగా గోపాల గోపాల ఫేమ్ డాలీ ద‌ర్శ‌క‌త్వంలో రూపొందుతున్న చిత్రం కాటమరాయుడు. ఈ చిత్రాన్ని నార్త్ స్టార్ ఎంట‌ర్ టైన్మెంట్ బ్యానర్ పై శ‌ర‌త్ మ‌రార్ నిర్మిస్తున్నారు. స‌ర్ధార్ గ‌బ్బ‌ర్ సింగ్ తర్వాత వెంట‌నే ఈ సినిమాని ఎనౌన్స్ చేసిన‌ప్ప‌టికీ షూటింగ్ స్టార్ట్ చేయ‌క‌పోవ‌డంతో అస‌లు ఈ ప్రాజెక్ట్ ఉందా లేదా అనే అనుమానం మొద‌లైంది. ఆఖ‌రి అనుమానాల‌కు ఫుల్ స్టాఫ్ పెడుతూ ఇటీవ‌ల ఈ మూవీ షూటింగ్ ప్రారంభించారు.
ఇక ఈరోజు ప‌వ‌న్ క‌ళ్యాణ్ ఈ షూటింగ్ లో పాల్గొన్నారు. ఇందులో స‌రికొత్త లుక్ లో ప‌వ‌న్ క‌నిపించ‌నున్నారు. ఈరోజు నిర్మాత శ‌ర‌త్ మ‌రార్ ట్విట్ట‌ర్ ద్వారా ప‌వ‌న్ షూటింగ్ లో పాల్గొన్న స్టిల్ రిలీజ్ చేసి ఈ విష‌యాన్నితెలియ‌చేసారు. ఫ్యాక్ష‌న్ లీడ‌ర్ ప్రేమ‌క‌థా చిత్రంగా రూపొందుతున్న ఈ చిత్రంలో ప‌వ‌న్ స‌ర‌స‌న శృతిహాస‌న్ న‌టిస్తుంది.