தளபதி விஜய் நடித்த ’பிகில்’ திரைப்படம் இன்று காலை வெளியாகி உலகம் முழுவதும் பெரும் பரபரப்பை ஏற்படுத்தி உள்ளது. இந்த படத்தை விஜய் ரசிகர்கள் கொண்டாடி வந்தாலும் விமர்சகர்கள் இந்த படத்தின் நிறை குறைகளை சுட்டிக் காட்டி வருகின்றனர்.

இந்த நிலையில் இந்த படத்திற்கு ஏற்பட்ட மிகப்பெரிய எதிர்பார்ப்பு ஒருபுறம் இருக்க, இந்த படம் இன்று காலை சிறப்பு காட்சியை திரையிடாததை அடுத்து கிருஷ்ணகிரியில் விஜய் ரசிகர்கள் வன்முறையில் இறங்கினர். தியேட்டர் அருகில் உள்ள கடைகள், பேனர்கள், மற்றும் போலீஸ் வாகனங்களையும் அடித்து நொறுக்கியதன் காரணமாக 30 விஜய் ரசிகர்கள் கைது செய்யப்பட்டுள்ளதாக போலிஸ் வட்டாரங்கள் தெரிவிக்கின்றன.

இந்த நிலையில் இந்த வன்முறை சம்பவம் குறித்து கருத்து தெரிவித்துள்ள நடிகை கஸ்தூரி பிகில் திரைப்படம் எத்தனை சாதனைகளை செய்தாலும், இந்த வன்முறை நிகழ்ச்சி இந்த படத்தை கூறும் போதெல்லாம் ஞாபகப்படுத்திக்கொண்டே இருக்கும். இந்த சம்பவம் யாருடைய வேலை என்பது தெரியவில்லை, இருந்தாலும் உண்மையான விஜய் ரசிகர்கள் இந்த செயலை செய்திருக்க மாட்டார்கள் என்று நம்புவோம்’ என்று குறிப்பிட்டிருந்தர்.

கஸ்தூரி கூறியதுபோல் பிகில் திரைப்படம் ஒருபக்கம் மிகப்பெரிய வசூல் சாதனை செய்தாலும் இந்த வன்முறை நிகழ்ச்சியை அந்த சாதனைக்கு ஒரு கரும்புள்ளியாக இருக்கும் என்று கருதப்படுகிறது.

Whatever records #bigil goes on to create, It will always be remembered for the vandalism displayed today. We may give excuses, claim it was the work of haters, but heart of heart we know the truth. True fans must never let ANYONE bring shame to their idol. #Krishnagiri ?? pic.twitter.com/8zamT5dViR

— Kasturi Shankar (@KasthuriShankar) October 25, 2019