கமல் எழுதிய கவிதையை 'குணா' பாணியில் கலாய்த்த பிக்பாஸ் நடிகை
- IndiaGlitz, [Sunday,May 03 2020]
உலக நாயகன் நடிகர் கமல்ஹாசன் அவ்வப்போது தனது சமூக வலைதள பக்கத்தில் கவிதை நடையில் சில கருத்துக்களை தெரிவித்து வருவது வழக்கமான ஒன்றே. கமல்ஹாசனின் கவிதைகள் பலருக்கு புரியாதவாறு இருந்தாலும் புரிந்தவர்களுக்கு அதில் உள்ள அர்த்தம், எவ்வளவு ஆழமானது என்பது தெரியும்
அந்த வகையில் மூன்றாம் கட்ட ஊரடங்கு குறித்த மத்திய அரசின் அறிவிப்பு வந்ததும் கமல் தனது டுவிட்டரில் ஒரு கவிதையை வெளியிட்டிருந்தார். அந்த கவிதை இதுதான்:
ஊரடங்கும் உயிருக்கு பயந்து - பிணி
உமக்கடங்காது புரிந்து கொள்வீர்.
தண்ணீர்க்கடங்கா நெருப்பு இது.
நீர், போதாதிதற்குயாமும் வேண்டும்.
மக்களைக் காக்க மக்களே மருந்து.
மனம் மாறு, அரசே
மதம் மாறவல்ல
எம் கட்டளை
மனிதனை நேசிக்க வேண்டுகோள்
இந்த கவிதையை ஒருசிலர் ரசித்து பாராட்டியும் பெரும்பாலானோர் கலாய்த்தும் வந்த நிலையில் பிக்பாஸ் போட்டியாளர்களில் ஒருவரும் நடிகையுமான கஸ்தூரி ஒரு டுவிட்டை ‘குணா’ படத்தில் கமல் பேசிய வசனம் ஒன்றின் பாணியில் கலாய்த்துள்ளார். அவரது டுவீட் இதுதான்:
”இது லெட்டர் சீ மடல் இல்லை கடுதாசின்னு வச்சுப்போமா? வேண்டாம் கடிதமே இருக்கட்டும் . இலக்கணப்படி இந்த கவிதை எந்த வகை?”
கஸ்தூரியின் இந்த கலாய்ப்பு டுவிட்டுக்கு கமல் ரசிகர்கள் கண்டனம் தெரிவித்து வருகின்றனர்.
இது லெட்டர் சீ மடல் இல்லை கடுதாசின்னு வச்சுப்போமா? வேண்டாம் கடிதமே இருக்கட்டும் . இலக்கணப்படி இந்த கவிதை எந்த வகை? https://t.co/hv9Zw126AT
— Kasturi Shankar (@KasthuriShankar) May 2, 2020