பிரபல இயக்குனர் பா.ரஞ்சித் சமீபத்தில் ஒரு கூட்டத்தில் பேசியபோது, தஞ்சை பெரிய கோவிலை கட்டிய மாமன்னர் ராஜராஜசோழர் குறித்து கடுமையாக விமர்சனம் செய்தார். சோழ மன்னர் ராஜ ராஜ சோழர் ஆட்சி காலத்தில்தான் தங்கள் இன மக்களின் நிலங்கள் பறிக்கப்பட்டதாகவும், அவருடைய ஆட்சி காலம் இருண்ட காலம் என்றும் அவர் பேசிய வீடியோ சமூக வலைத்தளங்களில் வைரலாகி வருகிறது. உலகிலேயே ராஜராஜசோழரை விமர்சனம் செய்தது ரஞ்சித் ஒருவராகத்தான் இருக்கும் என நெட்டிசன்கள் பதிலடி கொடுத்து வருகின்றனர்.

இந்த நிலையில் இன்று தஞ்சை பெரிய கோவிலுக்கு சென்று புகைப்படம் எடுத்து கொண்ட நடிகை கஸ்தூரி அந்த புகைப்படத்தை தனது சமூக வலைத்தள பக்கத்தில் பதிவு செய்துள்ளார். மேலும் வரலாறு படைத்தக்கோ வரலாற்றை போற்றுவோம்! எத்தனை எத்தர்கள் பித்தராய் கத்தட்டும். சத்தியம் மாறாது சரித்திரம் சாயாது' என்று பதிவு செய்துள்ளார். இந்த கருத்து ரஞ்சித்துக்கு கஸ்தூரி மறைமுகமாக பதிலடி கொடுத்ததாகவே கருதப்படுகிறது

உலகமே அதிசயமாக பார்க்கும் தஞ்சை பெரிய கோவிலை நவீன இயந்திரங்கள் இல்லாத காலத்தில் கட்டி வரலாற்றில் இடம் பிடித்திருக்கும் ஒரு மாபெரும் மன்னனை, விமர்சனம் செய்வது அநாகரீகமானது என்று பலர் ரஞ்சித்துக்கு கண்டனம் தெரிவித்து வருகின்றனர்.

வரலாறு படைத்தக்கோ வரலாற்றை போற்றுவோம்!
எத்தனை எத்தர்கள்
பித்தராய் கத்தட்டும்
சத்தியம் மாறாது
சரித்திரம் சாயாது.
Rajaraja chozhan created history, a history impervious to those who seek to rewrite it. #kasturipics #Throwback pic.twitter.com/cZZRkop8Dc

— Kasturi Shankar (@KasthuriShankar) June 10, 2019