இப்ப இல்லை, எப்பவுமே இல்லை: ரஜினிகாந்த் அறிக்கை குறித்து தமிழ் நடிகை
- IndiaGlitz, [Tuesday,December 29 2020]
சூப்பர் ஸ்டார் ரஜினிகாந்த் அரசியல் கட்சி தொடங்கி வரும் தேர்தலில் களம் காண்பார் என்று எதிர்பார்க்கப்பட்ட நிலையில் திடீரென சற்றுமுன் தான் அரசியல் கட்சி தொடங்கபோவதில்லை என்றும், ரஜினி மக்கள் மன்றம் எப்போதும் போல் செயல்படும் என்றும், தனது உடல்நிலையை கருத்தில் கொண்டு இந்த முடிவை எடுத்திருப்பதாகவும், இந்த முடிவுக்காக ரசிகர்களிடம் மன்னிப்பு கேட்டு கொள்வதாகவும் தெரிவித்திருந்தார்
ரஜினியின் அரசியல் முடிவு குறித்து பல்வேறு அரசியல் கட்சி தலைவர்கள் கருத்து தெரிவித்து வரும் நிலையில் தமிழ் நடிகை கஸ்தூரி தனது டுவிட்டரில் இதுகுறித்து கூறியபோது, ‘எதிர்பார்த்ததுதான். எத்தனையோ முறை நான் உட்பட பலரும் சொன்னதுதான். எப்பவோ சொல்லியிருந்தால் ஏராளமானவர்களுக்கு வலியை தவிர்த்திருக்கலாம். வருடங்களை மிச்சப்படுத்தியிருக்கலாம். இப்பவாச்சும் சொன்னாரே இப்ப இல்லை, எப்பவுமே இல்லை’ என்று கூறியுள்ளார்.
மேலும் கோடி பண நஷ்டத்தை விட கோடி மனக்கஷ்டம் பெரிது. உயிருக்கும் தோல்விக்கும் பயந்தவர்கள் போருக்கு வரக்கூடாது. ரஜினி அவர்களின் முடிவுக்கு பாராட்டுக்கள். நீங்கள் பூரண நலத்துடன் நிம்மதியாக நீடூழி வாழவேண்டும்’ என்றும் தெரிவித்துள்ளார்.
வழக்கம்போல் கஸ்தூரியின் இந்த டுவிட்டுக்கும் பாசிட்டிவ் மற்றும் நெகட்டிவ் கமெண்ட்ஸ்கள் பதிவாகி வருகின்றன.,
கோடி பண நஷ்டத்தை விட கோடி மனக்கஷ்டம் பெரிது.
— Kasturi Shankar (@KasthuriShankar) December 29, 2020
உயிருக்கும் தோல்விக்கும் பயந்தவர்கள் போருக்கு வரக்கூடாது. ரஜினி அவர்களின் முடிவுக்கு பாராட்டுக்கள்.
நீங்கள் பூரண நலத்துடன் நிம்மதியாக நீடூழி வாழவேண்டும்.