என் வாய்தான் என் எதிரி: லதா விவகாரம் குறித்து நடிகை கஸ்தூரி
- IndiaGlitz, [Friday,April 12 2019]
எம்ஜிஆர்-லதா குறித்து நடிகை கஸ்தூரி பதிவு செய்த ஒரு டுவீட் பெரும் சர்ச்சையை கிளப்பியது என்பது தெரிந்ததே. அவருடைய டுவீட்டுக்கு லதாவும் நடிகர் சங்கமும் கண்டனம் தெரிவித்ததை அடுத்து அந்த டுவீட்டை டெலிட் செய்த கஸ்தூரி, லதாவிடம் வருத்தமும் தெரிவித்தார். இத்துடன் இந்த பிரச்சனை முடிவுக்கு வந்துவிட்ட நிலையில் இதுகுறித்து ஊடகம் ஒன்றில் அவர் பேட்டியளித்துள்ளார்.
மனதில் பட்டதை சொல்லிவிடுவேன். என் வாய்தான் என் எதிரி. அதனால சிலநேரம் நல்லதும் நடக்கும்; கெட்டதும் நடக்கும் என்று கூறிய கஸ்தூரி அந்த டுவீட் குறித்து கூறியபோது, '''பத்து ஓவர்ல மேட்ச்சை முடிச்சிடுவாங்கனு நினைச்சேன். ரொம்ப நிதானமா ஆடிக்கிட்டு இருந்தாங்க. அதை என் ஸ்டைல்ல கொஞ்சம் காமெடியா கமென்ட் பண்றதுக்காக எனக்குப் பிடிச்ச நாயகன், நாயகி நடித்த ஒரு காட்சியை ஒப்பிட்டு எழுதினேன். எம்.ஜி.ஆர் பெயரைப் பார்த்தாலே தமிழ்நாட்டில் பலரும் பொங்கிடுவாங்களே... அதான் நடந்தது என்று கூறியுள்ளார்.
மேலும் நான் எம்.ஜி.ஆரைப் பற்றி தப்பா எழுதல; ரசிச்சுத்தான் எழுதியிருக்கேன். என் விளக்கத்தைப் படிச்சா அது புரியும். மத்தபடி, நடிகை லதா உள்பட பலரும் எடுக்கச் சொன்னதுனாலதான், அந்த ட்விட்டை டெலிட் பண்ணேன் என்றும் அவர் விளக்கம் அளித்துள்ளார்.