அண்டை மாநிலத்தின் வெற்றியும் தமிழகத்தின் சுய விளம்பரமும்: கஸ்தூரி ஆவேச டுவீட்
- IndiaGlitz, [Friday,April 17 2020]
இந்தியாவில் முதல் முதலாக கொரோனாவால் பாதிக்கப்பட்ட மாநிலமான கேரளா, கடந்த சில வாரங்களுக்கு முன்பு இந்தியாவிலேயே கொரோனாவால் அதிகம் பாதிக்கப்பட்ட மாநிலமாக இருந்தது. ஆனால் அம்மாநிலத்தின் முதல்வர் மற்றும் அரசியல் தலைவர்கள் ஒன்றிணைந்து எடுத்த நடவடிக்கையின் காரணமாக தற்போது கேரளா கொரோனாவில் இருந்து கொஞ்சம் கொஞ்சமாக மீண்டு வருகிறது. இன்னும் ஒரு சில நாட்களில் கொரோனா இல்லாத மாநிலமாக கேரளா மாறும் என்று எதிர்பார்க்கப்படுகிறது.
இந்த நிலையில் தமிழகத்தில் கொரோனாவுக்கு எதிரான நடவடிக்கையை தமிழக அரசு தீவிரமாக எடுத்துவந்த போதிலும் ஒரு சில அரசியல்வாதிகள் இதிலும் அரசியல் செய்து வருகின்றனர். அரசின் நடவடிக்கைகளை குறைசொல்லி எதிர்க்கட்சிகள் அரசியல் செய்வதும், எதிர்க்கட்சிகளை அரவணைக்காமல் அரசு தனியாக நடவடிக்கை எடுப்பதும் விமர்சனத்திற்கு உரியதாக இருந்து வருகிறது.
இந்த நிலையில் நடிகை கஸ்தூரி இது குறித்து தனது சமூக வலைத்தளத்தில் ஒரு டுவிட்டை பதிவு செய்துள்ளார். அதில் அவர் கூறியிருப்பதாவது: அறிக்கை விட்டு அழிக்க முடியுமா கொரோனா அரக்கனை? அண்டை மாநிலத்தில் - 100 முனைப்பு, 0 இறப்பு. 100% வெற்றி,0 விளம்பரம். அதிகம் பேசவில்லை பினரயி விஜயன். அனைத்தும் செயலில் காட்டுகிறார். தமிழக தலைவர்கள் சுயவிளம்பரத்தை விடுத்து சுயகட்டுப்பாட்டை வளர்த்தால் மட்டுமே நமக்கு விடிவு’ என்று பதிவு செய்துள்ளார். வழக்கம்போல் இந்த டுவிட்டுக்கும் ஆதரவு மற்றும் எதிர்ப்பு கமெண்ட்டுக்கள் பதிவாகி வருகின்றன,
அறிக்கை விட்டு அழிக்க முடியுமா கொரோனா அரக்கனை?
— Kasturi Shankar (@KasthuriShankar) April 17, 2020
அண்டை மாநிலத்தில் - 100 முனைப்பு, 0 இறப்பு. 100% வெற்றி,0 விளம்பரம். அதிகம் பேசவில்லை @vijayanpinarayi அனைத்தும் செயலில் காட்டுகிறார்.
தமிழக தலைவர்கள் சுயவிளம்பரத்தை விடுத்து சுயகட்டுப்பாட்டை வளர்த்தால் மட்டுமே நமக்கு விடிவு.