கமல் அணிந்த ஆடைக்கு காரணம் கண்டுபிடித்த கஸ்தூரி
- IndiaGlitz, [Wednesday,November 08 2017]
நடிகை கஸ்தூரி கடந்த சில நாட்களாகவே அரசியல் குறித்த கருத்துக்களை பரபரப்பாக பேட்டிகளிலும், தொலைக்காட்சி விவாதங்களிலும் தெரிவித்து வருகிறார். இந்த நிலையில் நேற்று கமல்ஹாசன் தனது பிறந்த நாளை முன்னிட்டு 'மையம் விசில்' செயலியை அறிமுகம் செய்துவிட்டு பின்னர் செய்தியாளர்களை சந்தித்தார்.
இந்த சந்திப்பின்போது அவர் அணிந்திருந்த ஆடை வித்தியாசமாக இருந்தது. வழக்கமாக கருப்பு சட்டை மற்றும் வேஷ்டி அணிவது கமலுக்கு பிடித்த உடையாக இருந்தது. ஆனால் நேற்றைய நிகழ்ச்சியின்போது வட இந்தியர் பாணியில் பதான் சூட் அணிந்திருந்தார்.
கமல்ஹாசனின் இந்த உடை குறித்து தனது சமூக வலைத்தளத்தில் கருத்து கூறிய கஸ்தூரி, 'தமிழ், வேட்டி கட்டாமல் பதான்சூட் போட காரணம்? ஒருவேளை டெல்லிதான் குறியோ? என்று கேள்வி எழுப்பியுள்ளார்.
கமல்ஹாசனின் அரசியல் நகர்வுகளை கூர்ந்து கவனிப்பவர்களுக்கு அவர் தேசிய அரசியலையும் கையாள போகிறார் என்பது புரியும். இதற்கு சான்றாக நேற்று மேற்குவங்க முதல்வர் மம்தா பானர்ஜி, கேரள முதல்வர் பினராயி விஜயன் ஆகியோர் பிறந்த நாள் வாழ்த்து கூறியதையும் எடுத்து கொள்ளலாம்.