கார்த்தியின் 'காஷ்மோரா' ரிலீஸ் தேதி?
- IndiaGlitz, [Tuesday,June 21 2016]
கார்த்தி நடித்து வந்த 'காஷ்மோரா' படத்தின் படப்பிடிப்பு சமீபத்தில் முடிவடைந்தது என்பதையும் இந்த படத்தின் போஸ்ட் புரடொக்ஷன்ஸ் பணிகள் ஆரம்பமாகிவிட்டதையும் சமீபத்தில் பார்த்தோம். இந்நிலையில் இந்த படத்தின் ரிலீஸ் தேதி குறித்த தகவல் தற்போது வெளிவந்துள்ளது.
பெரும் பொருட்செலவில் பிரமாண்டமான செட்களுடன் தயாரிக்கப்பட்டுள்ள இந்த படம் வரும் தீபாவளி திருநாளில் வெளியிட தயாரிப்பு நிறுவனமான டிரீம் வாரியர்ஸ் நிறுவனம் திட்டமிட்டுள்ளதாக தகவல்கள் வெளிவந்துள்ளது. கார்த்தியின் ரசிகர்களுக்கு இந்த படம் தீபாவளி விருந்தாக அமையும் என எதிர்பார்க்கப்படுகிறது.
முதல்முறையாக மூன்று வித்தியாசமான வேடங்களில் கார்த்தி நடித்துள்ள இந்த படத்தில் நயன்தாரா மற்றும் ஸ்ரீதிவ்யா முதல் முறையாக ஜோடியாக நடிக்கின்றனர். 'இதற்குத்தானா ஆசைப்பட்டாய் பாலகுமாரா' பட இயக்குனர் கோகுல் இயக்கியுள்ள இந்த படத்திற்கு சந்தோஷ் நாராயணன் இசையமைத்துள்ளார்.